• London

  • Beirut

  • Moscow

  • Los Angeles

  • Paris

  • Sydney

  • Toronto

15. 08. 2022

Հայերը, Քիւրտերը, Ալեւիները եւ Ասորիները Տեղ Չունին Թուրքիոյ Նոր Գործընթացներուն Մէջ

28.07.2016   07:21

Թուրքիոյ քրտամէտ Ժողովուրդներու ժողովրդավարական կուսակցութեան (ԺԺԿ-HDP) խորհրդարանական խմբակցութեան փոխնախագահ Իտրիս Պալուքեն

յայտարարած է, որ Թուրքիոյ մէջ փոքրամասնութիւններուն կը հասկցնեն, թէ անոնք նոր գործընթացներուն մէջ տեղ չունին:

Այս մասին Պալուքեն ըսած է «Օրակարգային քննարկումներ» հաղորդման եթերով, երբ մեկնաբանած է նախագահ Ռեճեպ Թայիպ Էրտողանի եւ 3 կուսակցութիւններու ղեկավարներուն հետ տեղի ունեցած հանդիպումը:  Էրտողան նախագահական նստավայրին մէջ Յուլիս 25-ին ընդունած էր վարչապետ Պինալի Եըլտըրըմը (իշխող Արդարութիւն եւ զարգացում կուսակցութեան նախագահ), Քեմալ Քըլըչտարօղլուն (գլխաւոր ընդդիմադիր Ժողովրդահանրապետական կուսակցութեան նախագահ) եւ Տեւլեթ Պահչելին (Ազգայնական շարժում կուսակցութեան նախագահ):

Ըստ Պալուքենի այն փաստը, որ վերոնշեալ հանդիպման չէ հրաւիրուած ընդդիմադիր ճամբարէն քրտամէտ Ժողովուրդներու ժողովրդավարական կուսակցութիւնը (ԺԺԿ-HDP), ատով ուղերձ յղուած է քիւրտերուն, ալեւիներուն, հայերուն եւ ասորիներուն` հասկցնելով, որ անոնք տեղ չունին Թուրքիոյ նոր գործընթացներուն մէջ:

ԺԺԿ-ի խորհրդարանական խմբակցութեան փոխնախագահը ընդգծած է, որ ԺԺԿ-ն չհրաւիրելու հարցով միակ պատասխանատուն Էրտողանը չէ, քանի որ այդ գործընթացին հաւանութիւն տուած են նաեւ հանդիպումին մասնակցած կուսակցութիւններուն առաջնորդները:

 

Share Button

Leave a Reply

Your email address will not be published. Required fields are marked *

Լրահոս

Լրատվական գործընկեր