Գլխաւոր | | «Միրաք»ի Ուրախ, Աշխոյժ Եւ Հաճելի Կիրակին

«Միրաք»ի Ուրախ, Աշխոյժ Եւ Հաճելի Կիրակին

14.04.2017 10:25

ՌԱԿ-ի «Միրաք» պատանեկան-ուսանողական շարժման 9 Ապրիլ, 2017-ի կիրակնօրեայ հաւաքը անցաւ շատ հաճելի եւ ուրախ մթնոլորտի մէջ:

«Միրաք» շարժումի պատասխանատու, ՌԱԿ կեդրոնական վարչութեան անդամ ընկ. Ալեքսան Գարատանայեան, «Թէքէեան Կեդրոն»էն ներս հաւաքուած խումբին ներկայացուց Ապրիլ ամսուան ծրագիրները, որմէ ետք, «Միրաք»ականները ուղղուեցան այգի՝ մասնակցելու երիտասարդական խումբի կողմէ պատրաստուած ծրագրին:

Դաշտային օրը սկսաւ մարմնամարզանքով, որմէ ետք «Սուփըր» եւ «Կիլիկիա» երկու խումբի բաժնուած «Միրաք»ականները անցան մրցակցային խաղերու: Լիցքաթափող խաղերու միջոցաւ անոնք զուարճանքի կողքին նաեւ վայելեցին յաղթանակի բերկրանքը եւ սորվեցան խաղի մէջ պարտութիւնը արժանապատուութեամբ կրելու անհրաժեշտութիւնը: