• London

  • Beirut

  • Moscow

  • Los Angeles

  • Paris

  • Sydney

  • Toronto

Արտակարգ Իրավիճակներու Նախարարութիւնը Կլենտէյլէն 2 Հրշէջ Մեքենայ Կը Ստանայ

10.11.2017   14:25

Արտակարգ իրավիճակներու նախարարութիւնը (ԱԻՆ) կը տեղեկացնէ, որ փրկարար ծառայութեան հրշէջ-փրկարարական մեքենաներու իր շարժակազմը համալրուած է ամերիկեան արտադրութեան Pierce մակնիշի երկու մեքենաներով՝ 2 թոն ջրատարողութեամբ, բժշկական եւ հրշէջ-փրկարարական կազմուածքով՝ յագեցած երկճիւղ եւ եռաճիւղ փողրակներով:

Նախարարութիւնը կը յիշեցնէ, որ վերջերս ԱԻ նախարար Դաւիթ Տօնոյեան, Կլենտէյլ քաղաքի քաղաքապետ Վարդան Կարապետեանի եւ Կլենտէյլի հրշէջ բաժանմունքի ղեկավար Կրեկ Ֆիշինի հետ իր ունեցած հանդիպման ընթացքին քննարկած էր Կլենտէյլ քաղաքին կողմէ՝ իբրեւ նուիրատուութիւն, Հայաստանի ԱԻ նախարարութեան 2 հրշէջ-փրկարարական մեքենայ, յատուկ հրշէջ-փրկարարական հագուստներ եւ պատգարակներ յատկացնելու հարցը: Խոստացուած մեքենաները եւ գոյքը Չորեքշաբթի, 7 Նոյեմբերին  յանձնուեցան Հայաստանի արտակարգ իրավիճակներու նախարարութեան:

«ՀՀ ԱԻ նախարարութիւնը եւ ԱՄՆ Գալիֆորնիա նահանգի Կլենտել քաղաքի միջեւ համագործակցութիւնը նոր մեկնարկ ստացած է՝ խորացնելով արտակարգ իրավիճակներու կառավարման տարբեր ուղղութիւններով համատեղ ծրագիրներու իրագործումը»,- գրուած է հաղորդագրութեան մէջ:

Share Button

Մեկնաբանել

Լրատուութեան գործընկեր