• London

  • Beirut

  • Moscow

  • Los Angeles

  • Paris

  • Sydney

  • Toronto

Պոլսոյ Նահանգի Իշխանութիւնները Դարձեալ Կը Միջամտեն Պոլսոյ Հայոց Պատրիարքի Ընտրութեան

14.09.2017   05:53

     Պոլսոյ նահանգապետարանը դարձեալ կը միջամտէ Պոլսոյ Հայոց պատրիարքի ընտրութեան հոլովոյթին, այս անգամ պնդելով, որ գոհ չէ ընտրութիւններու կազմակերպչական հոլովոյթը գործադրող խումբի կարգ մը անդամներէն:

     Համաձայն պոլսահայ «Ակօս» թերթին, ըստ համայնքին մէջ տարածուած լուրերուն՝ պատկան մարմինները նշած են, որ առարկութիւն ունին նախաձեռնող խումբի որոշ անդամներուն առնչութեամբ եւ պնդած են, որ այդ անդամներուն մասնակցութեամբ ընտրութիւն չի կրնար կազմակերպուիլ:

   Նահանգապետարանին հետ համաձայնութիւն գոյացնելու եւ որոշ սրբագրութիւններ կատարելու համար, նախաձեռնող խումբի անդամները նոր ժողով պիտի գումարեն:

     Միւս կողմէ, Թուրքիոյ մէջ հայոց պատրիարքի ընտրութեան կայացման ջատագով՝ «Տեսակէտներու հարթակ»ը, համայնքին մէջ նախաձեռնած է հարցախոյզի մը, որ պիտի սկսի Սեպտեմբերի կիսուն: Անոր նպատակն է պարզել հայ համայնքին, տեսակէտը՝ պատրիարքի, պատրիարքութեան եւ համայնքին համար կարեւոր հարցերուն շուրջ,  ինչպէս նաեւ ակնկալիքները՝ ապագայ պատրիարքէն:

Share Button

Մեկնաբանել

Լրատուութեան գործընկեր