• London

  • Beirut

  • Moscow

  • Los Angeles

  • Paris

  • Sydney

  • Toronto

Արեւմտեան Հայաստանի Մեր Յուշարձանները Թուրքերը Արօտավայրերու եւ Թռչնաշուկայի Վերածած են. Մինասեան

05.08.2017   07:17

Արեւմտեան Հայաստանի եկեղեցիները անմիթար վիճակի մէջ են:

Այսօր, ըստ «Panorama.am»-ի, լրագրողներու հետ հանդիպման մը ընթացքին, այս մասին խօսած է ԵՊՀ պատմութեան բաժանմունքի ղեկավար Էդիկ Մինասեանը` անդրադառնալով պատմութեան բաժանմունքի ուխտագնացութեան Արեւմտեան Հայաստան:

«Ասիկա մեր հերթական այցելութիւնն էր Արեւմտեան Հայաստան, որուն ընթացքին ալ Աղթամարի Սուրբ Խաչ եկեղեցւոյ մէջ, պատմութեան բաժանմունքի շրջանաւարտներուն յանձնեցինք իրենց վկայականները:

Մենք իսկապէս ուխտի կ՝երթանք` նպատակ ունենալով այցլելու հինաւուց պատմական յուշարձանները, եկեղեցիները: Պատմական հայրենիքի մէջ շրջանաւարտներուն աւարտական վկայականներու յանձնումով կ՝ուզենք ցոյց տալ, որ հայրենիքի Արեւմտեան հատուածը ազատգրուած չէ եւ պէտք է ազատագրուի իրենց եւ իրենց սերունդներուն միջոցով»,-  նշած է Մինասեանը:

Ան պատմած է, որ մեկնած են 70 հոգինոց խումբով, ուր բացի հայրենասիրական եւ պատմաճանաչողական նպատակէն, կ՝ուզեն ամրապնդել երիտասարդներու մէջ տարածքներուն ետ վերադարձի գաղափարը:

«Մեծ մասամբ անմխիթար վիճակ էր, տեղեր կային, որ արօտավայրերու վերածուած էին, թռչնաշուկայի, միայն UNESCO-ի ցանկին վրայ ընդգրկուած Անիի եկեղեցին էր, որ ստիպուած կը հետեւէին վիճակին: Սուրբ Գրիգոր եկեղեցին որոշ չափով վերականգնած էին, սակայն թրքական ոճը խառնած էին հայկականին: Իսկ Սուրբ Աղթամար եկեղեցին վերածուած էր թանգարանի, թէեւ մոմ վառելու հնարաւորութիւն գտանք: Ոսկի գտնելու նպատակով թուրքերը քանդած, աւերած էին պատմական մեր յուշարձանները»,- մանրամասնած է ԵՊՀ պատմութեան բաժանմունքի ղեկավարը:

Այցելութեան մասնակցած շրջանաւարտ Գեղամ Ասատրեանը կարեւոր համարած է այցը` ըսելով, որ անիկա շրջանաւարտներուն համար շատ սպասուած էր. «Տպաւորութիւնները երկակի էին, նախ աչքիդ առաջ կու գայ ազգային ազատագրական պաքարի իւրաքանչիւր հատուած, ամէն քայլափոխի երգելով կարօտ կ՝ապրէինք, միւս կողմէ ալ`  յուշարձաններուն անմխիթար վիճակը, պատմութեան խեղաթիւրումը: Նկատելի էր, որ մեր յուշարձաններուն հասցուած վնասները շատ անգամ միտումնաւոր եղած են»:

Share Button

Մեկնաբանել