• London

  • Beirut

  • Moscow

  • Los Angeles

  • Paris

  • Sydney

  • Toronto

23. 03. 2023

«Էտիրնէն եւ Հայ Համայնքը» Խորագիրով Ցուցահանդէս՝ Այժմեան Թուրքիոյ Էտիրնէ Քաղաքի Հրէական Սինակոկին Մէջ

29.03.2019   11:42

Թուրքիոյ եւրոպական հատուածին վրայ՝ Թրակիոյ տարածքին, Պուլկարիոյ եւ Յունաստանի սահմանակից Էտիրնէ (պատմ.՝ Ատրիանապոլիս) քաղաքին մէջ, տեղի ունեցած է ցուցահանդէս՝ նուիրուած Էտիրնէի երբեմնի հայ համայնքին։

«Էտիրնէն եւ հայ համայնքը» խորագիրով ցուցահանդէսը բացուած է Էտիրնէի մէջ գործող հրէական Մեծ սինակոկին մէջ։ Այս մասին կը հաղորդէ Ermenihaber.am-ը։

Ցուցահանդէսին համար, ուր ներկայացուած են լուսանկարներ եւ բացիկներ, հիմք ծառայած է ծագումով Էտիրնէէն հայ Առաքելեան ընտանիքի ժառանգներէն ֆրանսաբնակ Ռոյ Առաքելեանի՝ Էտիրնէի հայերուն վերաբերող աշխատութիւնը։

Ռաքէլ Մեշուլամի խնամակալութեամբ իրականացուող ցուցահանդէսի բացման ներկայ եղած են Էտիրնէի ոստիկանապետ Ալի Քեմալ Քուրթը, Էտիրնէի Հիմնադրամներու շրջանային կառոյցի ղեկավար Օսման Կիւներէնը եւ Թուրքիոյ մէջ հրէայ համայնքի նախկին ղեկավարներէն Սիլվիօ Օվատիան։

Կազմակերպիչները ընդգծած են, որ սինակոկի մէջ կը փորձեն ներկայացնել ոչ միայն հրէական՝ այլ նաեւ Էտիրնէի բազմամշակոյթ անցեալին իրենց ուրոյն տեղը ունեցած այլ մշակոյթներու վերաբերեալ տեղեկութիւններ։ Յատկանշական է, որ ցուցահանդէսը պիտի գործէ մինչեւ Ապրիլ 28 եւ Հայոց Ցեղասպանութեան յիշատակման օրն ալ՝ Ապրիլ 24-ին, բաց պիտի ըլլայ այցելուներուն համար։

Share Button

Leave a Reply

Your email address will not be published. Required fields are marked *

Լրահոս

Լրատուութեան գործընկեր