• London

  • Beirut

  • Moscow

  • Los Angeles

  • Paris

  • Sydney

  • Toronto

Մատենադարանի Տնօրէն Ընտրուեցաւ Վահան Տէր Ղեւոնդեանը

07.03.2018   15:57

«Մատենադարան» Մեսրոպ Մաշտոցի անուան հին ձեռագիրներու գիտահետազօտական հիմնարկ» հիմնադրամի տնօրէն ընտրուեցաւ Վահան Տէր Ղեւոնդեանը:

Ըստ «Արմէնփրես»-ի` Մարտ 6-ին «Մատենադարան» հին ձեռագիրներու գիտահետազօտական հիմնարկ» հիմնադրամի գիտական մասնաշէնքին մէջ կայացած հոգաբարձուներու խորհուրդի նիստին վերջին շրջանին Մատենադարանի տնօրէնի ժամանակաւոր պաշտօնակատար Վահան Տէր Ղեւոնդեան տնօրէն ընտրուեցաւ միաձայն` 19 կողմ ձայնով:

«Մատենադարան» Մեսրոպ Մաշտոցի անուան հին ձեռագիրներու գիտահետազօտական հիմնարկ հիմնադրամի հոգաբարձուներու խորհուրդը յայտարարած էր բաց մրցոյթ տնօրէնի թափուր պաշտօնը զբաղեցնելու համար: Մրցոյթին դիմումներն ու փաստաթուղթերը անհրաժեշտ էր ներկայացնել մինչեւ 2018 թուականի Փետրուար 23-ը: Պաշտօնը զբաղեցնելու համար դիմած էր միայն Մատենադարանի տնօրէնի ժամանակաւոր պաշտօնակատար Վահան Տէր Ղեւոնդեանը:

Share Button

Մեկնաբանել

Լրատուութեան գործընկեր