• London

  • Beirut

  • Moscow

  • Los Angeles

  • Paris

  • Sydney

  • Toronto

«Գտնել Զապէլ Եսայեանը» Վաւերագրական Ժապաւէնը Ցուցադրուեցաւ Պոլսոյ Մէջ

21.08.2014   12:03

Պոլսոյ Շիշլի թաղամասի շարժապատկերի սրահի մը մէջ ցուցադրուեցաւ 20րդ դարու հայ ականաւոր կին մտածողներէն Զապէլ Եսայեանի կեանքի մասին պատմող «Գտնել Զապէլ Եսայեանը» վաւերագրական ֆիլմը: Լարա Ահարոնեանի եւ Թալին Սուճեանի կողմէ պատրաստուած ժապաւէնը ներկայացուած է «1908-1909 Դեսաղոնիկէէն Ատանա՝ յոյսեր եւ անկումներ», ցուցահանդէսի ծիրին մէջ:

Ֆիլմին մէջ ներկայացուած են Եսայեանի կեանքի կարեւոր դրուագները՝ Պոլսոյ մէջ անցուցած մանկութիւնն ու պատանեկութիւնը, ուսանողական տարիները Փարիզի մէջ, ամուսնութիւնը, երեխաները, անոր աշխատանքը 1909ի Ատանայի կոտորածները ուսումնասիրող խումբին մէջ, 1915ին Հայոց Ցեղասպանութիւնէ փախուստը, Կովկասի եւ Միջին Արեւելքի մէջ Ցեղասպանութիւնէն ետք հաւաքուած որբերու եւ վերապրածներու յիշողութիւններու գրառումը, այնուհետեւ Խորհրդային Միութիւն մուտք գործելը, աքսորը սթալինեան ռեժիմի կողմէ եւ անյայտ պայմաններու մէջ մահը:

Ֆիլմին մէջ օգտագործուած են Եսայեանի ընտանիքի անդամներու յուշերը, անոր գրութիւնները, գրաքննադատական մեկնաբանութիւններ, պետական ար-խիւային նիւթեր, ինչպէս նաեւ ձայնագրութիւններ եւ լուսանկարներ:

Share Button

Leave a Reply

Your email address will not be published. Required fields are marked *

Լրատուութեան գործընկեր