• London

  • Beirut

  • Moscow

  • Los Angeles

  • Paris

  • Sydney

  • Toronto

Հայաստանի Նախագահը Աշխատանքային Այցով Մեկնած է Տաւուշի Մարզ. Այցելած է Մարտական Դիրքերէն Մէկը

14.07.2017   08:48

Հանրապետութեան նախագահ, Զինուած ուժերու գերագոյն գլխաւոր հրամանատար Սերժ Սարգսեան երէկ  առաւօտեան աշխատանքային այցով մեկնած է Տաւուշի մարզ, այս մասին կը տեղեկացնէ ՀՀ նախագահի աշխատակազմի հասարակայնութեան եւ տեղեկատուութեան միջոցներու հետ կապի վարչութիւնը:

Նախագահը այցելած է հիւսիսարեւելեան սահմանագօտիի մարտական դիրքերէն մէկը` շրջայց կատարած մարտական յենակէտի մէջ եւ ծանօթացած է ծառայութեան ու զինուորներու կենցաղային պայմաններուն, երկրաչափական եւ ամրաշինական կառոյցներու, մարտական պատրաստականութեան վիճակին: Հանրապետութեան նախագահը նուէրներով խրախուսած է ծառայութեան ընթացքին անձնուիրութեամբ եւ խիզախութեամբ աչքի ինկած խումբ մը սպաներ եւ զինուորներ: Նախագահը շնորհակալութիւն յայտնած է հայրենիքի պաշտպաններուն, մաղթած անոնց յաջողութիւն, բարի ծառայութիւն եւ ընդգծած, որ անոնց բարեխիղճ ծառայութիւնը մեծապէս կը գնահատուի եւ անոնց շնորհիւ մեր ժողովուրդը կրնայ հանգիստ ապրիլ, աշխատիլ եւ զարգացնել մեր հայրենիքը:

Սերժ Սարգսեան այնուհետեւ մասնակցած է Իջեւանի մէջ տեղակայուած զօրամասի նոր մշտական տեղակայման վայրի բացման հանդիսաւոր արարողութեան, ուր ելոյթներով հանդէս եկած են պաշտպանութեան նախարարը, զօրամասի հրամանատարը, ԶՈՒ հոգեւոր առաջնորդը, պարտադիր ժամկէտային զինծառայողներէն մէկը: Նորակառոյց զինաւանի բացման նուիրուած հանդիպումէն եւ հանդիսաւոր երթէն ետք Հանրապետութեան նախագահը շրջայց կատարած է զօրանոցին մէջ, ծանօթացած պայմաններուն, զրուցած անձնակազմի հետ եւ զինուորական ճաշարանին մէջ ճաշած զինուորներուն ու հրամանատարներուն հետ:

Նոյն օրը պաշտպանութեան նախարարութեան Դիլիջանի «Լեռնային Հայաստան» առողջարանին մէջ նախագահը հարցազրոյց տուած է «Արմենիա» հեռուստաընկերութեան «Ռէւոլիւցիա» հաղորդաշարին:

Share Button

Մեկնաբանել

  • March 22, 2017

    Գիտելիքը Հզօրութիւն Է« Միրաք»ի Նշանաբան

  • March 22, 2017

    Հնդկաստանի Փոխնախագահը Երեւանի Մէջ Յարգեց Ցեղասպանութեան Զոհերու Յիշատակը

  • March 22, 2017

    Ընթացք Առաւ Երեւանի Աւագանիի Ընտրութիւններու Քարոզարշաւը

  • March 22, 2017

    Նախագահը Ներկայ Գտնուած Է «Խոստումը» Ֆիլմի Փակ Ցուցադրութեան