• London

  • Beirut

  • Moscow

  • Los Angeles

  • Paris

  • Sydney

  • Toronto

«Սարդարապատէն Արցախ» Խորագիրով Համահայկական Շարադրութեան Եւ Նկարչութեան Մրցոյթ

12.02.2018   17:05

Յարգելի հայրենակիցներ,

Կը տեղեկացնենք, որ Հայաստանի Հանրապետութեան եւ Մայիսեան հերոսամարտերու 100-ամեակին նուիրուած 2018-ի ձեռնարկներու ծրագիրի ծիրէն ներս ՀՀ կրթութեան եւ գիտութեան եւ ՀՀ սփիւռքի նախարարութիւնները եւ Երեւանի քաղաքապետարանը կը կազմակերպեն «Սարդարապատէն Արցախ» խորագիրով համահայկական շարադրութեան եւ նկարչութեան մրցոյթներ` հանրակրթական ուսումնական հաստատութիւններու եւ Սփիւռքի հայկական կրթօճախներու սաներուն համար: Շարադրութիւններու եւ մրցոյթներու ընդունման վերջնաժամկէտն է Փետրուար 28-ը:

Արդիւնքները  պիտի ամփոփուին Մարտի 3-րդ տասնօրեակին: Շարադրութիւններէն պիտի ընտրուին լաւագոյն 20-ը` Հայաստանէն եւ Սփիւռքէն: Մրցանակային լաւագոյն շարադրութիւնները եւ նկարները կ’ընդգրկուին նախատեսուող ժողովածուին մէջ:  Յաղթողներուն հետ լուսանկարներու շարք պիտի կատարուի Հայաստանի ազգային պատկերասրահին մէջ եւ լուսանկարները նոյնպէս պիտի ընդգրկուին ժողովածուին մէջ: ՀՀ պաշտպանութեան նախարարութիւնը մետալներ պիտի յանձնէ յաղթողներուն (հնարաւոր է, որ Մեծ համերգի մը ընթացքին):

Շարադրութիւնները պէտք է ներկայացնել Microsoft word-ով, 12 sylfaen տառաչափով, 2 սմ լուսանցքներով, տողերու միջեւ 1.5 հեռաւորութեամբ, A4 ձեւաչափով, իսկ ծաւալը պէտք չէ գերազանցէ 2.5 էջը:

Լրացուցիչ տեղեկութիւններու համար կրնաք դիմել
ՀՀ սփիւռքի նախարարութեան  աշխատակազմի համահայկական ծրագիրներու վարչութեան գիտակրթական ծրագիրներու բաժին։
Հասցէ` ք. Երեւան 0010, Վ. Սարգսեան 3,  հեռ.` (+37410) 58-56-01 (700), (+37460)-500-830 հեռախօսահամարներով:

Աշխատանքները ուղարկել նաեւ   gitakrtakan.diaspora@gmail.com էլ. փոստին:

Share Button

Մեկնաբանել

Լրատուութեան գործընկեր