• London

  • Beirut

  • Moscow

  • Los Angeles

  • Paris

  • Sydney

  • Toronto

Հայկական Imusic Երաժշտական Հարթակը Բջիջային Յաւելուած Ստեղծած է

14.11.2017   16:47

Գործարկուած է հայկական ամենամեծ երաժշտական հարթակներէն Imusic-ի բջիջային յաւելուածը: Ան հասանելի է iOS եւ Android համակարգերու համար, կը հաղորդէ “Փանարմինիըն”-ը:

Imusic-ը հնարաւորութիւն կու տայ օգտատէրերուն անվճար երգեր ներբեռնել, ստեղծել անձնական երգացանկեր` ցանկութեան պարագային տարածել զանոնք հետեւորդներուն մէջ, ինչպէս նաեւ հետեւիլ այլ օգտատէրերու երաժշտական հրապարակումներուն:

Երաժշտական ընկերային ցանցին մէջ կարելի է գտնել մօտ մէկ միլիոնի հասնող տարբեր ժանրերու երգեր, մեղեդիներ եւ այլն:

Հարթակի միջոցով կարելի է նաեւ 24 ժամ ձայնասփիւռ լսել: Այժմ Imusic-ն ունի 4 ձայնասփիւռ` Jammin, Classic, Fusion, Ethno. իւրաքանչիւրը կ՛առաջարկէ համապատասխան ժանրի երաժշտութիւն:

Share Button

Մեկնաբանել

Լրատուութեան գործընկեր