• London

  • Beirut

  • Moscow

  • Los Angeles

  • Paris

  • Sydney

  • Toronto

ՊԱՏՄՈՒԹԵԱՆ ՄԷՋ ԱՅՍՕՐ. Գառնիկ Անանեան

22.06.2020   09:44

Գառնիկ Անանեան (22 Յունիս 1934, Իջեւան — 20 Նոյեմբեր 2007, Երեւան) հայ գրականագէտ, հրապարակախօս, բանասիրական գիտութիւններու մասնագէտ, (1986), Երեւանի պետական համալսարանի լրագրութեան հիմնարկի հիմնադիր դեկան, 2006-ից Ազգային ակադեմիայի թղթակից անդամ, ԽՍՀՄ գրողներու միութեան անդամ 1974-էն։

Ծնած է Իջեւանի մէջ։ 1958-ին աւարտած է Երեւանի համալսարանի բանասիրական հիմնարկը։ 1958-1959-ններուն աշխատած է Իջեւանի «Լենինեան ուղիով» շրջանային թերթին մէջ, 1960-1961-ններուն՝ ՀԼԿԵՄ Իջեւանի շրջկոմին մէջ որպէս առաջին քարտուղար։ 1962-1965-ններուն սորված է Երեւանի համալսարանի յետ-ընթացաւարտին մէջ։

1965-էն սկսեալ դասախօսած է Երեւանի համալսարանին մէջ։ 1965-ին «Հայ գեղարուեստական գրականութիւնը եւ քննադատութիւնը «Մուրճ» ամսագրին մէջ (90-ական թուական)» թէմայով աւարտաճառ պատրաստած է եւ ստացած է բանասիրական գիտութիւններու թեկնածուի աստիճան: 1982-ին «Եղիշէ Չարենց (կեանքի եւ ստեղծագործութեան պրոպլեմներ)» թէմայով աւարտաճառ պատրաստած է եւ ստացած է (1983) բանասիրական գիտութիւններու դոկտորի աստիճան։

1977-1985-ններուն եղած է Երեւանի համալսարանի հրատարակչութեան վարիչը։ Նախաձեռնողն է «Ուսանողի գրադարան», «Հայագիտական հետազօտութիւններու մատենաշար», «Քրեստոմատիա» շարքերու։ 1985-1996-ններուն եղած է ԵՊՀ բանասիրական հիմնարկի աւագերէցը, ապա լրագրութեան ամպիոնի հիմնին վրայ ստեղծած է լրագրութեան հիմնարկը, որուն աւագերէցն էր մինչեւ մահ։

 

 

Աջակցէ՛ ԶԱՐԹՕՆՔ-ին. Ապահովէ՛ Անոր Գոյերթը

 

Share Button

Leave a Reply

Your email address will not be published. Required fields are marked *

Լրատուութեան գործընկեր