• London

  • Beirut

  • Moscow

  • Los Angeles

  • Paris

  • Sydney

  • Toronto

Բրիտանահայերը Կ’օժանդակեն Տաւուշի Մարզի Բաղանիս Գիւղի Դպրոցականներուն

04.08.2016   18:05

Յուլիս 25-ին` նոր ուսումնական տարուան ընդառաջ, դպրոցական պայուսակներ եւ անհրաժեշտ գրենական պիտոյքներ ստացան սահմանամերձ Բաղանիս գիւղի դպրոցի 100 աշակերտները: Սա բրիտանահայերու հերթական նուէրն էր Հայաստանի գիւղական համայնքներու դպրոցականներուն: Այս մասին կը հաղորդէ Հիմնադրամի պաշտօնական կայքը:

«Հայաստան» հիմնադրամի Մեծ Բրիտանիոյ տեղական մարմինի հոգաբարձուներու խորհուրդի անդամ Անահիտ Ղազարեան, որ ինչպէս միշտ ժամանած էր Լոնտոնէն նուէրները յանձնելու նպատակով, կը նշէ, որ սահմանամերձ գիւղի բնակիչներուն նկատմամբ թէկուզ փոքր հոգածութիւնը միայն նիւթական հարց չի լուծեր: Այս սկզբունքով կ’առաջնորդուի տեղական մարմինը, որ առողջապահական եւ կրթական հաստատութիւններ կեանքի կոչելուն զուգահեռ, կը յաջողի նաեւ միջոցներ հայթայթել հայրենիքի մէջ այս կամ այն գիւղի դպրոցականներուն ուրախութիւն պարգեւելու համար:

Տասներկու տարուան ընթացքին՝ ընկերային այս ծրագիրով՝ Մեծ Բրիտանիոյ տեղական մարմինը դպրոցական պարագաներ ու գրենական պիտոյքներ նուիրաբերած է Հայաստանի Շիրակի, Լոռիի, Տաւուշի, Վայոց Ձորի, Սիւնիքի եւ Արագածոտնի մարզերու շուրջ 2400 աշակերտի:

Share Button

Leave a Reply

Your email address will not be published. Required fields are marked *

Լրատուութեան գործընկեր