• London

  • Beirut

  • Moscow

  • Los Angeles

  • Paris

  • Sydney

  • Toronto

Գէորգ Սահակեանը եւ Կարապետ Չալեանը Աշխարհի Բանակային Առաջնութեան Ախոյեաններ

06.10.2014   22:10

ԱՄՆ-ի Նիւ Ճըրսի քաղաքին մէջ ընթացող բանակայիններու ըմբշամարտի 29-րդ աշխարհի առաջնութեան յունահռոմէական ոճի մրցաշարի 1-ին օրը փայլուն հանդէս եկած են Հայաստանի պատուիրակները. մրցագորգ ելած մեր բոլոր 4 ըմբիշներն ալ անմասն չեն մնացած խաղարկուող մրցանակներէն: Այս մասին կը տեղեկացնէ Հայաստանի ըմբշմարտի դաշնութիւնը:

Էդուարդ Սահակեանի ղեկավարութեամբ ելոյթ ունեցած ըմբիշներէն երկուքը` Գէորգ Սահակեանը (66 քկ) եւ Կարապետ Չալեանը (75 քկ) յաղթանակով աւարտած են իրենց իրականացուցած բոլոր գօտեմարտերն ու խմբային 15-ական միաւոր պարգեւելով Հայաստանի հաւաքականին` արժանացած են ոսկէ մետալներու:

66 քկ քաշային Գէորգ Սահակեանը, որ անցեալ տարի այս մրցաշարին դարձած էր աշխարհի փոխախոյեան, այս անգամ բարելաւած է իր ցուցանիշը եւ արծաթը փոխարինած է ոսկիով: Գէորգը՝ առանց մեծ դժուարութեան՝ նախնական փուլերուն բացայայտ առաւելութեամբ յաղթանակներ տօնած է մոնկոլ Պէամպարոճի եւ եգիպտացի Սայետ Սայետի նկատմամբ: Ապա կիսաեզրափակիչին՝ 5:1 հաշուով պարտութեան մատնած է գերմանացի Տենիզ Մենեգսին: Իսկ եզրափակիչին՝ Սահակեանէն ընդամէնը 1 վայրկեան 34 երկվայրկեան պահանջուած է գետնելու եւ մաքուր յաղթանակ տօնելու ամերիկացի Պրիք Սատորիսի նկատմամբ:

Share Button

Leave a Reply

Your email address will not be published. Required fields are marked *

Լրատուութեան գործընկեր