• London

  • Beirut

  • Moscow

  • Los Angeles

  • Paris

  • Sydney

  • Toronto

ԼԻԼԻԹ ՄԿՐՏՉԵԱՆԸ ԵՒՐՈՊԱՅԻ ԱՌԱՋՆՈՒԹԵԱՆ ԻՐ ԵՐՐՈՐԴ ԱՆԸՆԴՄԷՋ ՅԱՂԹԱՆԱԿԸ ԿԸ ՏՕՆԷ

09.07.2014   22:29

Ճատրակի կանանց Եւրոպայի անհատական առաջնութեան երրորդ խաղին երրորդ յաղթանակը տօնեց Լիլիթ Մկրտչեանը: Այս մասին կը հաղորդէ Armenpress.am-ը:

Հայաստանի կանանց խումբի յառաջատար Մկրտչեանը առաւելութեան հասաւ Օլկա Կիրայի նկատմամբ: Մարիա Գուրսովան եւ Էլինա Դանիէլեանը իրենց խաղերը աւարտեցին ոչ-ոքի` կիսելով միաւորը մրցակիցի հետ: Իսկ Լիլիթ Գալոյեանը եւ Շուշաննա Սարգսեանը պարտուեցան, համապատասխանաբար, Արապիձէին եւ Շիւաչեւային:

Նշենք, որ Պուլկարիոյ Փլովտիւ քաղաքին մէջ կ’իրականացուի Եւրոպայի կանանց անհատական առաջնութիւնը: Այս կարեւոր ստուգատեսին Հայաստանը կը ներկայացնեն մեր կանանց ազգային հաւաքականի բոլոր անդամները` Էլինա Դանիէլեանը, Լիլիթ Մկրտչեանը, Լիլիթ Գալոյեանը, Մարիա Գուրսովան եւ Շուշաննա Սարգսեանը: Մրցավայր մեկնած է նաեւ խումբի գլխաւոր մարզիչ, գրոսմայսթըր Արթուր Չիբուխչեանը: Մրցաշարը մեկնարկած է Յուլիս 5-ին եւ պիտի եզրափակուի 18-ին: Յուլիս 13-ին շախմատիստներու համար պիտի ըլլայ հանգիստի օր:

Share Button

Leave a Reply

Your email address will not be published. Required fields are marked *

Լրատուութեան գործընկեր