Մշակութային Արձագանգ. Աֆորիզմներ Պեռնարտ Շօ

• Այս երկու կոչումներից՝ կնոջ մշտական մայրութեան ու տղամարդու յաւերժ մանկութեան, ես, ինձ թւում է, նախընտրում եմ տղամարդունը:
• Յիշո՞ւմ էք ֆրանսացուն, ով հարցրել է՝ որ տարիքում ենք մենք անտարբեր դառնում սիրոյ գայթակղութեան նկատմաmբ: Ծեր կինը պատասխանել է, որ դեռ չգիտի:
• Իտէալիստների կարող ենք հանդիպել նոյնիսկ մեր աշխարհում: Նրանց միայն կարելի է փրկել զգացմունքային սիրտ եւ բաւական մեծ օժիտ ունեցող աղջիկների հետ ամուսնանալու միջոցով:
• Բոլոր տղամարդիկ նոյնն են այն կնոջ համար, որով հիանում են:
• Ես տարբեր կանանց եմ հանդիպել եւ իմացել այն ամենը, ինչ կարելի էր նրանցից իմանալ: Եւ դա եղել է «սիրոյ արդիւնքում», որովհետեւ ես շատ փող չունէի:
• Ամենամեծ մեղքը ոչ-թէ մերձաւորի նկատմամբ ատելութիւնն է, այլ անտարբերութիւնը. ահա անմարդկային վերաբերմունքի իսկական բարձրակէտը:
• Միշտ պէտք է չափազանցնես գաղափարդ այն աստիճանի, որ ստիպես մարդկանց վեր ցատկել տեղից ու լսել քեզ, ու նաեւ այնպէս վախեցնես, որ սկսեն գործել: Ես միշտ գիտակցաբար այդպէս եմ վարւում:
• Մարդուն կարելի է իշխել միայն իր հաւատքի միջոցով, եւ ոչ՝ Ձեր:
• Գիշերը ծերերին հանգստութիւն է բերում, երիտասարդներին՝ յոյս:
• Կենդանի անյաջողութիւնն աւելի լաւ է, քան անկենդան գլուխգործոցը:
• Ազատութիւնը պատասխանատւութիւն է: Ահա թէ ինչու են բոլորը դրանից վախենում:
• Մարդը կարող է բարձրանալ մինչեւ ամենաբարձր գագաթները, բայց այնտեղ երկար մնալ չի կարող:
• Զգուշացէ՛ք նրանից, ով հարուածին հարուածով չի պատասխանում, նա ե՛ւ ձեզ չի ների, ե՛ւ թոյլ չի տայ՝ ինքներդ ձեզ ներէք:
• Մարդիկ միշտ մեղքը բարդում են հանգամանքների վրայ: Ես չեմ հաւատում հանգամանքների ուժին: Այս աշխարհում յաջողութեան է հասնում միայն նա, ով փնտրում է իրեն անհրաժեշտ պայմանները, իսկ եթէ չի գտնում, ինքն է դրանք ստեղծում:
• Այն ինչ մենք յաջողութիւն ենք անուանում, իրականում փոխհատուցում է բոլոր այն մարդկանց, ովքեր տաղանդով են օժտուած:
• Խելացի մարդը յարմարւում է աշխարհին, «անխելքը» յամառօրէն փորձում է աշխարհը յարմարեցնել իրեն: Այդ պատճառով էլ առաջընթացը կախուած է «անխելք» մարդկանցից:
• Եթէ մի օր երջանկութեան ետեւից վազելիս գտնէք այն, իր ակնոցը փնտռող պառաւի նման կը բացայայտէք, որ երջանկութիւնը ողջ ընթացքում ձեր քթի տակ է եղել:
• Մարդն իր արարքներն արդարացնելու համար ցանկացած պատճառ կը գտնի, բացի մէկից. իր մեղքերի համար՝ ցանկացած արդարացում, բացի մէկից. իր անվտանգութեան համար՝ ցանկացած առիթ, բացի մէկից: Իսկ այդ մէկը վախկոտութիւնն է:
• Երբեք թոյլ չտաք, որ մահուան վախը ղեկավարի ձեր կեանքը: Հէնց սա է հերոսութեան գաղտնիքը:
• Վախի գերին լինել. ահա վախի ամենավատ տեսակը:
• Միակ դասը, որը կարելի է քաղել պատմութիւնից, այն է, որ մարդիկ պատմութիւնից դասեր չեն քաղում:

Համադրեց՝ Ռ.Օ.

Աջակցէ՛ ԶԱՐԹՕՆՔ-ին. Ապահովէ՛ Անոր Գոյերթը