• London

  • Beirut

  • Moscow

  • Los Angeles

  • Paris

  • Sydney

  • Toronto

Հոգելոյս Տ. Տիրայր Արք. Փանոսեան

20.03.2020   10:34

Աւազանի անունով Փանոս։ Ծնած է Հալէպ (Սուրիա) 1937-ին։ Նախնական կրթութիւնը ստացած է Հալէպի Կրթասիրաց Ազգային Վարժարանին մէջ, եւ ապա 1961-ին՝ ընդունուած Մեծի Տանն Կիլիկիոյ Կաթողիկոսութեան Դպրեվանքը։ 1963-ին ձեռնադրուած է սարկաւագ եւ 1965-ին՝ աբեղայ, վերակոչուելով Տ. Տիրայր։ 1967-ին ստացած է Վարդապետական աստիճան, որպէս աւարտաճառ ներկայացնելով «Համառօտ Պատմութիւն Հայ-Լատինական Յարաբերութեանց Սկիզբէն Մինչեւ 1382 Թուական», որ ապա հրատարակուած է։ Համալսարանական ուսումը ստացած է Անգլիոյ մէջ, 1968-70, եւ ստացած է Leader of Christian Education վկայագիրը։ 1995-ին ստացած է Ծայրագոյն Վարդապետութեան աստիճան։ Եպիսկոպոսական ձեռնադրութիւն եւ օծում ստացած է 1997-ին, իսկ արքութեան տիտղոս՝ 2010-ին։

1965-72 վարած է Մայրավանքի Ս. Գրիգոր Լուսաւորիչ Մայր Տաճարի լուսարարապետի պաշտօնը։

1972-79 ծառայած է Ատրպատականի թեմէն ներս իբրեւ Կաթողիկոսական Փոխանորդ

Վարած է ուսուցչական պաշտօն Դպրեվանքէն եւ զանազան վարժարաններէ ներս։ 1966-72 վարած է Հայ Եկեղեցւոյ Կիրակնօրեայ Վարժարաններու վարիչ տնօրէնի պաշտօնը եւ հինգ տարի հրատարակած է «Դրազարկ» տարեգիրքը։ Մայրավանքին մէջ զանազան պաշտօններու կողքին ստանձնած է մատենադարանապետի պաշտօնը 1984-97, եւ նոյն պաշտօնը վերստանձնած՝ 2005-2019։ 1998-ին վարած է Կաթողիկոսարանի տպարանի տեսուչի, իսկ 1999-2000՝ «Թռչնոց Բոյն»ի տեսչութեան պաշտօնները։

Հանգուցեալ սրբազանը եղած է Մեծի Տանն Կիլիկիոյ Կաթողիկոսութեան հաւատարիմ, նուիրեալ եւ աշխատունակ միաբաններէն մէկը։ Գիրն ու գրականութիւնը, յատկապէս գեղանկարչութիւնը մնայուն ներկայութիւն դարձած են իր կեանքին մէջ։

ՅԻՇԱՏԱԿՆ ԱՐԴԱՐՈՅՆ ՕՐՀՆՈՒԹԵԱՄԲ ԵՂԻՑԻ

 

Share Button

Leave a Reply

Your email address will not be published. Required fields are marked *

Լրատուութեան գործընկեր