• London

  • Beirut

  • Moscow

  • Los Angeles

  • Paris

  • Sydney

  • Toronto

Խմբագրատանս Մէջ. «Սիլվա Կապուտիկեան» Գրական Հիմնադրամի Տնօրէն եւ Տուն-Թանգարանի Վարիչ՝ Արմենուհի Դեմիրճեանի Հետ

27.02.2020   09:39

Պատիւն ունեցանք խմբագրատանս մէջ ընդունելու այցելութիւնը «Սիլվա Կապուտիկեան» Գրական Հիմնադրամի Տնօրէն եւ Տուն-Թանգարանի Վարիչ՝

Արմենուհի Դեմիրճեանին:

Տիկ. Դեմիրճեանին կ՛ընկերակցէին Տիկ. Ռիթա Ժամկոչեան-Պոյաճեանը եւ Օրդ. Լիւսի Տէօքմէճեանը՝ պատասխանատուները ՏԻՐ Կրթամշակութային կեդրոնին, որ իր կրթական աշխատանքներուն կողքին կը նպատակադրէ նաեւ օժանդակել հայ մշակոյթի, մայրենի լեզուի պահպանման ու տարածման:

dav

Մեր հիւրերէն իմացանք, որ հիմնադրութեան նպատակին հաւատարիմ ՏԻՐ Կրթամշակութային կեդրոնին կազմակերպութեամբ՝ յառաջիկայ Ուրբաթ, 28 Փետրուար 2020ի երեկոյեան ժամը 7:30ին  տեղի պիտի ունենայ Մայրենի լեզուն փառաբանող բանաստեղծուհիին՝ Սիլվա Կապուտիկեանին ծննդեան 100+1 ամեակի նշումը Մարաշի Հայրենակցական Միութեան սրահին մէջ, Գերմանիկ Կեդրոն Պուրճ Համուտ:

Ձեռնարկին, որ պիտի ունենայ օրուան պատշաճ գեղարուեստական յայտագիր  մը, գլխաւոր բանախօսուհին պիտի հանդիսանայ Տիկ. Արմենուհի Դեմիրճեանը:

Տիկ. Դեմիրճեանի ներկայութիւնը խմբագրատանս մէջ առիթ մըն էր հինէն նորէն խօսելու եւ վերյիշելու կամ ծանօթանալու Սիլվա Կապուտիկեանի Պէյրութ այցելութեան դրուագներուն, որոնք տեղի ունեցած են 1960ական թուականներուն եւ երկրորդ անգամ 1996ին:

Մեր մօտ իր այցելութեան ընթացքին Տիկ. Դեմիրճեան, որ իր լրագրողի հանգամանքով նաեւ որպէս բարեկամուհի՝ տարիներու ընկերակիցը եղած է մեծ բանաստեղծուհիին, առիթը ունեցաւ Սիլվա Կապուտիկեանին՝ իր համար սրտամօտիկ քաղաք Պէյրութ այցելութեան ատենի լուրերը կարդալու «Զարթօնք»ի արխիւին մէջ:

Դարձեալ հանդիպելու եւ մնայուն գործակցութեան խոստումով մեր ազնիւը հիւրերը մեկնեցան մեր խմբագրատունէն:

 

«Խմբ.»

Share Button

Leave a Reply

Your email address will not be published. Required fields are marked *

Լրատուութեան գործընկեր