• London

  • Beirut

  • Moscow

  • Los Angeles

  • Paris

  • Sydney

  • Toronto

Քայլ Դէպի Գիւղ (լուսանկարներ)

07.08.2019   02:40

ԶԱՐԱ ՂԱԶԱՐԵԱՆ

«Զարթօնք»ի Աշխատակից 

Արդէն երկու տարի  է ՀՀ Սփիւռքի նախարարութեան կողմէ  կ՛իրականանայ «Քայլ դէպի տուն»  ուսումնաճանաչողական ծրագիրը:  Ծրագիրը  ստեղծուած է նախապէս իրականացուող «Արի տուն»  և  «Սփիւռք ամարային դպրոց» ծրագիրներու մէկտեղումով:

«Քայլ դէպի տուն» ուսումնաճանաչողական ծրագիրը  նախատեսուած է 13-21 տարեկան սփիւռքահայ պատանիներու և երիտասարդներու համար: Ծրագիրը ունի երկու բաղադրիչ` կրթական և ճանաչողական:  Կրթական բաղադրիչը կը ներառէ հայոց լեզուի արագ ուսուցման դասընթացներ (արևելահայերէն և արևմտահայերէն):

Ծրագրի ճանաչողական մասը կը նախատեսէ մասնակիցներու այցելութիւններ Հայաստանի պատմամշակութային վայրեր, ինչպէս նաև շարք մը առաջատար ուսումնական, ստեղծարար և արհեստագիտական կեդրոններ:

«Քայլ դէպի տուն» ծրագրի մասնակիցները  ծրագրի ճանաչողական մասի ծիրէն ներս Օգոստոսի 4-ին  այցելեցին Ապարանի Եղիպատրուշ գիւղը:

Գիւղին մէջ  գործող  «IMPACT»  ակումբի և խումբ մը եղիպատրուշցի կամաւորներու ջանքերու շնորհիւ նախապէս ծրագիր կազմուած էր՝ պատանիներին գիւղական կեանքի հետ ծանօթացնելու և անոր մասնակիցը դարձնելու համար։

Մասնակիցները նախ ծանօթացան գիւղի պատմամշակութային վայրերուն, ապա բաժանուելով խումբերու՝ անցան խաղամրցոյթներու:

 Մրցոյթի համար նախապէս մշակուած էր 4 առաջադրանք.  ըստ այդ առաջադրանքներուն  ծրագրի մասնակիցները գաթա  պատրաստեցին մեղուի փեթակներ բացին, միրգ  հաւաքեցին, բուրդ մանեցին, կով կթեցին, ցորենէն ձաւար ստացան և ի վերջոյ հիւրընկալող գիւղի  մասին    տեղեկութիւններ հաւաքեցին ու շրջելով գիւղացիներու  տուները  ազգային երգ ու պարով աւարտեցին մրցոյթին համար  պահանջոած առաջադրանքները :                                                                                                                                           Արդիւնքը այն եղաւ, որ խումբերէն մէկը ՝ «Արծիւները»,  ճանաչուեցաւ յաղթող՝  նուէր ստանալով ազգային հագուստով նկարահանումի շարք:

«IMPACT» ակումբի ղեկավար Սևակ  Մաթէոսեանի  կարծիքով, շատ կարևոր է երիտասարդներուն ծանօթացնել գիւղական մշակոյթին՝ արմատներուն:

«Ծրագիրը կ՛իրականացնենք երկրորդ տարին ըլլալով: Ծրագրի առաջնային նպատակը սփիւռքի մէջ ապրողներու հետ կամուրջ ստեղծելն է:  Հետաքրքրական է, որ երիտասարդներու կողմէն շատ դրական կ՛ընդունուի մի քանի ժամով գիւղացիի կեանքով ապրիլը, այն աստիճան, որ աւարտին  անոնք դժուարութեամբ կը բաժանուին գիւղէն»:

 «Դասաւանդի՛ր,  Հայաստանի Համար» (Teach for Armenia)  ծրագրի կրթութեան հաւասարութեան դեսպան Տիգրան   Առուշանեանը  «Քայլ դէպի տուն»  ծրագրին մէջ  է որպէս՝ ուսուցիչ-առաջնորդ:

«Առաջին հայեացքէն սիրահարուեցայ գիւղին, սէրը ոչ թէ ծնաւ արտասովոր բնութիւնէն, օդէն  այլ՝ մարդոց ջերմ  վերաբերմունքէն:  Այստեղ քեզ հիւր չես զգար, ամէն քայլափոխին կը ժպտին քեզ: Սփիւռքի երիտասարդներու համար փոխադարձ շփումը հայ գիւղի հետ   կարևորագոյն առաքելութիւնն էր, որ արդէն իրականութիւն է» :

«Քայլ դէպի տուն»  ուսումնաճանաչողական ծրագիրը ունի ամէնամեայ բնոյթ և այս տարի կը տեւէ մինչև  Օգոստոսի  25:

 

 

 

 

Share Button

Leave a Reply

Your email address will not be published. Required fields are marked *

Լրատուութեան գործընկեր