• London

  • Beirut

  • Moscow

  • Los Angeles

  • Paris

  • Sydney

  • Toronto

Սերժ Սարգսեանին Ներկայացուցած են Հայկական Արտադրութեան Նոր Ռազմական Սարքերու Հնարաւորութիւնները

06.12.2017   16:59

Աշխատանքային այցով Արցախի Հանրապետութիւն այցելած նախագահ Սերժ Սարգսեան հայկական երկու հանրապետութիւններու փոխգործակցութեան ծիրէն ներս Արցախի նախագահ Բակօ Սահակեանի հետ այցելած է «Ասպարէզ» ուսումնական կեդրոն, ուր իրենց ներկայացուցած են հայկական արտադրութեան նոր ռազմական սարքերու մարտավարական եւ թեքնիքական բնութագիրները եւ նշանակութիւնը, որմէ ետք նախագահները դիտաշտարակէ հետեւած են անոնց կիրարկման ընթացքին:

 Ինչպէս կը տեղեկացնէ ՀՀ նախագահի մամուլի վարչութիւնը, ՀՀ նախագահը խրախուսական նուէրներ յանձնած է ծառայութեան մէջ աչքի ինկած զինծառայողներուն, այնուհետեւ Արցախի արեւելեան եւ կեդրոնական հատուածներու մէջ ներկայ գտնուած է նոր զօրանոցներու եւ զինուորական ակումբի բացման արարողութիւններուն:

Նախագահներ Սերժ Սարգսեան եւ Բակօ Սահակեան շրջայց  կատարած են նորաբաց զօրանոցներու մէջ, ծանօթացած զինծառայողներու ընկերա-կենցաղային պայմաններուն: Նախագահ Սարգսեան խրախուսած է զօրամասի լաւագոյն սպաները, պայմանագրային եւ ժամկէտային զինծառայողները:

 

Share Button

Մեկնաբանել

Լրատուութեան գործընկեր