• London

  • Beirut

  • Moscow

  • Los Angeles

  • Paris

  • Sydney

  • Toronto

Շարժայի Մէջ Հայաստան Կը Նախատեսէ Բանալ Առեւտրաարդիւնաբերական Կեդրոն

13.11.2017   17:26

Արաբական Միացեալ Էմիրութիւններու Շարժայի էմիրութեան մէջ Հայաստանը կը նախատեսէ բանալ առեւտրաարդիւնաբերական կեդրոն: Այս մասին ,ըստ «Արմենպրես»-ի՝  նշած է ՀՀ տնտեսական զարգացման եւ ներդրումներու նախարարի տեղակալ Յովհաննէս Ազիզեան։ «Հողատարածքը յատկացուած է, այժմ շէնքի նախագծային փուլն է: Պիտի  փորձենք առաջընթաց արձանագրել այս ուղղութեամբ, որովհետեւ առեւտուրի տուն ունենալը կարեւոր գործիք է: Այժմ կը յստականայ առեւտրաարդիւնաբերական կեդրոնի ձեւը: Կը նախատեսենք, որ ան մէկտեղէ քանի մը գործառոյթ: Նախ ըլլայ հայկական ապրանքներու ցուցահանդէս, այնուհետեւ նախատեսուած է բաժին հայաստանեան զբօսաշրջային հնարաւորութիւնները ներկայացնելու համար: Ատկէ բացի, Հայաստանի գործարար ներկայացուցիչներուն հնարաւորութիւն տրուի այնտեղ գրասենեակներ ունենալու»,-ըսած է ան:

Ազիզեան նշած է, որ չի բացառուիր առեւտրաարդիւնաբերական կեդրոնի ձեւը այլ ուղղութիւններով կիրառելը: Մանաւանդ, որ այլ երկիրներու մէջ նման կեդրոն բանալու առաջարկներ կան:

«Ան արտահանումը խրախուսող լաւ ուղղութիւններէն մէկն է: Պէտք է կեդրոնանալ այն շուկաներու վրայ, որոնք մեզի համար մեծ ներուժ ունին: Այսօր կան առաջարկներ Մոսկուայի մէջ այդպիսի կեդրոն ստեղծելու համար: Մեզի համար ատիկա նոր ուղղութիւն է, փորձ ձեռք բերելով, մէկ, երկու այսպիսի ծրագիր ընելով՝ կրնանք հասկնալ, թէ որքանո՛վ անիկա պիտի աջակցի արտահանման: Ատոր հիման վրայ ալ պիտի որոշենք, այն տարածելու անհրաժեշտութիւն կա՞յ, թէ այլ մեքանիզմներու վրայ կեդրոնանանք»,-աւելցուցած է փոխնախարարը: Ան ընդգծած է, որ պիտի փորձեն այդ ծրագիրերը իրականացնել գործ հետ համագործակցութեամբ։

Share Button

Մեկնաբանել

Լրատուութեան գործընկեր