• London

  • Beirut

  • Moscow

  • Los Angeles

  • Paris

  • Sydney

  • Toronto

Արա Բաբլոյեան Ընդունած է ԱՄՆ Քալիֆորնիա Նահանգի Խորհրդարանական Պատուիրակութիւնը

09.10.2017   15:41

ՀՀ ԱԺ նախագահ Արա Բաբլոյեան, Հոկտեմբեր 6-ին, ընդունած է ԱՄՆ Քալիֆորնիա նահանգի խորհրդարանական պատուիրակութիւնը:

ՀՀ ԱԺ հասարակայնութեան եւ տեղեկատուութեան միջոցներու հետ կապերու վարչութեան փոխանցած տեղեկութիւններով՝ Արա Բաբլոյեանը, ողջունելով պատուիրակութեան անդամները խորհրդարանէն ներս, կարեւոր համարած է Հայաստանի եւ ԱՄՆ-ի տարուէ տարի ամրապնդուող յարաբերութիւնները` այդ հարցով ընդգծելով հայկական սփիւռքին ներկայութիւնը եւ նշանակալի դերը:

ՀՀ ԱԺ նախագահին խօսքով` ԱՄՆ-ի հետ կ՝ընդլայնուին ո՛չ միայն քաղաքական, այլեւ՝ մշակութային, կրթական եւ տնտեսական յարաբերութիւնները:

Արա Բաբլոյեան կարեւոր համարած է ԱՄՆ-ի աջակցութիւնը Հայաստանի մէջ ժողովրդավարութեան կայացման եւ զարգացման գործին մէջ:

ՀՀ ԱԺ նախագահը նշած է.«Կը գնահատեմ ԱՄՆ-ի օժանդակութիւնը անկախ Հայաստանի առողջապահական համակարգի ստեղծման եւ կայացման գործին մէջ: Հայաստանի մէջ առաջին վերկանգնողական կեդրոնը ստեղծուած է ԱՄՆ-ի օժանդակութեամբ` փոխելով հաշմանդամ երեխաներուն հանդէպ մտածելակերպն ու վերաբերմունքը»:

Անդրադառնալով ԼՂ հիմնախնդիրին` ՀՀ ԱԺ նախագահը փաստած է. «Հայաստանը տարածքային խնդիր չունի Ատրպէյճանի հետ. հարցը կը վերաբերի Արցախի ժողովուրդի ինքնորոշման իրաւունքին: Մարդն է բարձրագոյն արժէքը, եւ մարդու իրաւունքներու պաշտպանութիւնն ու անվտանգութիւնը կարեւոր են մեզի համար: Քաղաքակիրթ աշխարհի մէջ խաղաղութիւնը այլընտրանք չունի, հետեւաբար ԼՂ հակամարտութիւնը պէտք է լուծուի խաղաղ ճանապարհով` ԵԱՀԿ Մինսկի խումբի ձեւաչափով»:

ԱՄՆ Քալիֆորնիա նահանգի խորհրդարանական պատուիրակութեան ղեկավար Սքոթ Ուիլքը շնորհակալութիւն յայտնած ՀՀ ԱԺ նախագահին ընդունելութեան համար եւ ներկայացուցած է պատուիրակութեան անդամները, որոնցմէ շատերը հայ են:

Հանդիպման աւարտին՝ զրուցակիցները անդրադարձած են Քալիֆորնիոյ հայկական համայնքի դերին, Հայաստանի հետ յարաբերութիւններու եւ համագործակցութեան խորացման գործին: 

 

Share Button

Մեկնաբանել

Լրատուութեան գործընկեր