• London

  • Beirut

  • Moscow

  • Los Angeles

  • Paris

  • Sydney

  • Toronto

ՀՀ ԱԺ Նախագահը Պարգեւատրած է Խումբ Մը Ուսուցիչներ

06.10.2017   17:19

ՀՀ ԱԺ նախագահ Արա Բաբլոյեան, Հոկտեմբեր 5-ին, Ուսուցիչի օրուան առիթով, կրթութեան բնագաւառին մէջ ունեցած մեծ աւանդին համար պարգեւատրած է  խումբ մը ուսուցիչներ:

ՀՀ ԱԺ հասարակայնութեան եւ տեղեկատուութեան միջոցներու հետ կապերու վարչութեան տեղեկութիւններով՝ պարգեւատրուած մանկավարժներուն ուղղուած իր խօսքին մէջ, ՀՀ ԱԺ նախագահը նշած է. 

«Կը շնորհաւորեմ ձեզ այս տօնական օրուան առիթով: Այսօր ուսուցիչի օրն է, տօն, որ առիթ մըն է գնահատանքի եւ երախտիքի խօսքեր հնչեցնելու ձեր հասցէին: Շնորհակալութիւն ձեր անգնահատելի ջանքերուն, նուիրուածութեան, ձեր հայրենասիրութեան եւ այն ջերմութեան համար, որ ամէն օր կը փոխանցէք պզտիկներուն, անոնց միջոցով մեզի, մեր՝ ընտանիքներուն»:

Արա Բաբլոյեան մանկավարժներուն մաղթած է առողջութիւն եւ բարեկեցութիւն: 

Share Button

Մեկնաբանել

Լրատուութեան գործընկեր