• London

  • Beirut

  • Moscow

  • Los Angeles

  • Paris

  • Sydney

  • Toronto

ԿՈՉ․ Հայոց փառապանծ բանակի գեներալնե՛ր, սպանե՛ր, սերժանտնե՛ր, զինուորնե՛ր, իմ զինակից ընկերնե՛ր

24.07.2020   22:41

Հայոց փառապանծ բանակի գեներալնե՛ր, սպանե՛ր, սերժանտնե՛ր, զինուորնե՛ր, իմ զինակից ընկերնե՛ր

Ատրպէյճանը, ոգեկոչուելով մեր թշնամիների բազմակողմանի աջակցութիւնից, չի կարողանում հաշտուել Հայաստանի Հանրապետութեան հիւսիս-արեւելքում իր կողմից սադրած մարտական գործողութիւններում ջախջախիչ պարտութիւն կրելու հանգամանքի հետ եւ սպառնում է մեզ լայնածաւալ պատերազմով:

Մենք պէտք է կռուե՛նք ու յաղթե՛նք, քանզի խեղճերի արցունքից եւ թոյլերի վախից են կործանւում հայրենիքները…: Իսկ մեր երակներում հոսում է իսկական մարտիկի արիւն, մարտիկ, որ միշտ կարողացել է մարտնչել քանակով գերազանցող թշնամու դէմ: Ասուածի վառ ապացոյցը Սարդարապատի, Բաշ-Ապարանի եւ Ղարաքիլիսայի հերոսական ճակատամարտերն են, ազատագրուած Արցախն ու փառապանծ Շուշին…:

Մեր պայքարի անյագ ձգտումով եւ նախնեաց պատգամների խորը հաւատով դարեր շարունակ ոսոխին ցոյց ենք տուել մեր բազկի զօրութիւնը, որն ապացուցեցինք նաեւ այսօր` Չինարիում, Մովսէսում, Այգեպարում … եւ բարձր հայրենասիրութեամբ ու նուիրուածութեամբ աւելացրինք Հայոց ազգի եւ հայ զօրականի զէնքի փառքը: Իսկ 3-րդ բանակային կորպուսի վարած մարտական գործողութիւնները մտնելու են հայ ռազմարուեստի պատմութեան մէջ եւ դառնալու են որպէս զօրքերի կառավարման արդիւնաւէտութեան, հրամանատարների նախաձեռնողականութեան եւ հմտութեան ցուցաբերման, ինչպէս նաեւ հայ դիրքապահ զինուորների հերոսութեան եւ խիզախութեան օրինակ:

Մեր գործն արդար է, մենք պաշտպանում ենք մեր պապերի սուրբ հողը, հայրական տունը, մեր պատիւն ու մեր ժողովրդի ազատ երկրում ապրելու իրաւունքը:

Մենք այլեւս դատապարտուած ենք միայն յաղթելու: Ցո՛յց տանք դաւադիր ոսոխին մինչեւ վերջ կռուելու մեր վճռականութիւնն ու պատրաստակամութիւնը, որ նա այլեւս չփորձի հայեացք նետել Հայաստանի եւ Արցախի ուղղութեամբ:

Հպարտ եմ, որ Ձեզանից մէկն եմ եւ պատիւ ունեմ իւրաքանչիւրիդ հետ համատեղ կերտելու զինուած ուժերի յաղթական ուղին` ի փառս հայ ժողովրդի:

 

Միասին առա՛ջ, դէպի յաղթանա՛կ …Աստուած մեզ զօրավիգ ու պահապան …

ՀՀ ԶԻՆՈՒԱԾ ՈւԺԵՐԻ ԳԼԽԱՒՈՐ ՇՏԱԲԻ ՊԵՏ

գեներալ-լեյտենանտ                              Օ. ԳԱՍՊԱՐԵԱՆ

 

 

 

Աջակցէ՛ ԶԱՐԹՕՆՔ-ին. Ապահովէ՛ Անոր Գոյերթը 

Share Button

Leave a Reply

Your email address will not be published. Required fields are marked *

Լրատուութեան գործընկեր