Գլխաւոր | Հայրենի Լուրեր | 596 Նոր Վարակակիր. «Քորոնա» Ժահրով Վարակուածներու Ընդհանուր Թիւը Հասաւ 11817-ի

596 Նոր Վարակակիր. «Քորոնա» Ժահրով Վարակուածներու Ընդհանուր Թիւը Հասաւ 11817-ի

06.06.2020 09:16

Հայաստանի մէջ, 5 Յունիսին, ժամը 11:00-ի դրութեամբ, հաստատուած է «Քորոնա» ժահրային հիւանդութեան ընդհանուր 11817 դէպք, որոնցմէ 3513ը` առողջացած:

Այս մասին նշուած է ՀՀ առողջապահութեան նախարարութեան Հիւանդութիւններու վերահսկման եւ կանխարգելման ազգային կեդրոնի կայքին մէջ:

«Քորոնա» ժահրային հիւանդութեամբ այս պահուն փաստացի բուժում կը ստանայ 8052 վարակակիր: Ընդհանուր առմամբ, կատարուած է 65 161 քննութիւն: Այսպիսով` կայ «Քորոնա» ժահրային հիւանդութեամբ հաստատուած 596 նոր դէպք եւ 45 առողջացած։

«Քորոնա» ժահրային հիւանդութենէն արձանագրուած է մահուան 7 նոր դէպք (ընդհանուր մահերու թիւը հասաւ՝ 183):

ՀՀ առողջապահութեան նախարարութենէն յայտնած են, որ մահացած հիւանդները եղած են 72, 78, 72 տարեկան տղամարդիկ եւ 69, 59, 33, 61 տարեկան կանայք։

Աջակցէ՛ ԶԱՐԹՕՆՔ-ին. Ապահովէ՛ Անոր Գոյերթը