• London

  • Beirut

  • Moscow

  • Los Angeles

  • Paris

  • Sydney

  • Toronto

«Հիւանդանոցներուն Մէջ Արդէն Տեղերը Կը Սպառին» Փաշինեան Կը Շարունակէ Ահազանգել

04.06.2020   09:00

«Աշխարհի մէջ չկայ որեւէ ուժային կառոյց, վարչական համակարգ, որ այս մասշտապի հարցը կարենայ լուծել»,- «Քորոնա» ժահրի մեծ թիւով նոր դէպքերու վերաբերեալ ֆէյսպուքեան ուղիղ եթերի ժամանակ ըսած է ՀՀ վարչապետ Նիկոլ Փաշինեանը:

«Ես վերջին օրերուն շատ դաժան խօսակցութիւն ունեցած են ե՛ւ ոստիկանութեան պետի, ե՛ւ ԱԱԾ տնօրէնի հետ՝ առաջին հերթին հարցի մաշտապը եւ իրավիճակը ճիշդ չներկայացնելու համար: Որովհետեւ այն ինչ ես տեսայ ձեր օգնութեամբ ուղղակի աղէտ է: Ուժային կառոյցը ժամացոյցի նման աշխատի այս խնդիրը չի կրնար կարգաւորել: Ես կ’ուզեմ՝ մենք սա արձանագրենք: Հարցը պատասխանատուի մէջ չէ, ես եմ պատասխանատու, բայց ատկէ բան կը փոխուի՞ մահացողներու հարազատներուն համար»,- նշած է Փաշինեանը:

«Դպրոցներուն մէջ ի՞նչ կը կատարուի, դրամատուներու, շուկաներու, «Հայփոսթ»ի, Արարատեան մաքսատան մէջ»,- ըսած է վարչապետը՝ ընդգծելով, որ կառավարութիւնը առանձին ի վիճակի չէ լուծելու այդ խնդիրը, եթէ հասարակութեան մէջ իւրաքանչիւրը այն իրենը չհամարէ:

«Հիւանդանոցներուն մէջ տեղերը կը սպառին, սիրելի՛ հայրենակիցներ, արդէն պիտի սպառին, որովհետեւ այս ընթացքը մէկ օրուան մէջ հնարաւոր չէ կանգնեցնել, եւ ես համոզուած եմ, որ եթէ պահէինք այն կանոնները, որ պէտք է պահէինք, 95 տոկոսով պակաս ցուցանիշ կ’ունենայինք: Պէտք է ամէն մէկս մեր սխալը ընդունինք եւ մէկ քայլ ետ ընենք այս անդունդ տանող ճանապարհէն: Սա է իմ ուղերձը»,- ըսած է ան՝ նշելով, որ այդ չի նշանակեր, որ ոստիկանութիւնը պէտք է իր զգօնութիւնը թոյլցնի:

«Ես հնարաւորութիւն կը տեսնեմ, որ մենք ի վերջոյ փոխենք մեր վերաբերմունքը մենք մեր նկատմամբ, կանոնի նկատմամբ, օրէնքի նկատմամբ, դիմացինի անվտանգութեան նկատմամբ:

Սա մեր ընդհանուր խնդիրն է, եւ պէտք է իրար հետ լուծենք այս խնդիրը»,- եզրափակած է Նիկոլ Փաշինեանը:

 Աջակցէ՛ ԶԱՐԹՕՆՔ-ին. Ապահովէ՛ Անոր Գոյերթը

Share Button

Leave a Reply

Your email address will not be published. Required fields are marked *

Լրատուութեան գործընկեր