• London

  • Beirut

  • Moscow

  • Los Angeles

  • Paris

  • Sydney

  • Toronto

Հայրապետական Սուրբ Պատարագ Երեւանի Սուրբ Գրիգոր Լուսաւորիչ Մայր Եկեղեցիին Մէջ

09.01.2020   09:25

Յունուարի 6-ին մեր Տիրոջ՝ Յիսուս Քրիստոսի Սուրբ Ծննդեան եւ Աստուածյայտնութեան տօնին առիթով Ն.Ս.Օ.Տ.Տ. Գարեգին Երկրորդ Ծայրագոյն Պատրիարք եւ Ամենայն Հայոց Կաթողիկոսը Սուրբ Պատարագ մատուցեց Երեւանի Սուրբ Գրիգոր Լուսաւորիչ մայր եկեղեցիին մէջ:

Սուրբ Պատարագի արարողութեան ներկայ էին Հայաստանի Հանրապետութեան վարչապետ Նիկոլ Փաշինեան իր տիկնոջ՝ Աննա Յակոբեանի հետ, ՀՀ Ազգային ժողովի նախագահ Արարատ Միրզոյեանը, Սահմանադրական դատարանի նախագահ Հրայր Թովմասեանը, պետական անձնաւորութիւններ, ինչպէս նաեւ Գերագոյն հոգեւոր խորհուրդի անդամներ, Հայ Եկեղեցուոյ բարերարներ, Հայաստանի մէջ հաւատարմագրուած օտարերկրեայ դիւանագիտական առաքելութիւններու ղեկավարներ, կրթական, գիտական եւ մշակութային հաստատութիւններու ներկայացուցիչներ, Հայաստանի տարբեր մարզերէն ժամանած ուխտաւորներ:

Մայր Աթոռ Սուրբ Էջմիածնի միաբաններէն կազմուած խաչվառազարդ թափօրը «Խորհուրդ խորին» շարականի երգեցողութեան ներքոյ հայրապետական իր օրհնութիւնը հաւատաւոր ժողովրդին բաշխող Ամենայն Հայոց Կաթողիկոսին Սուրբ Տրդատի մատուռէն առաջնորդեց դէպի խորան: Սուրբ Պատարագին որպէս առընթերականեր կը սպասաւորէին Մայր Աթոռի լուսարարապետ Գերշ. Տ. Յովնան եպիսկոպոս Յակոբեանն ու Մայր Աթոռի Վարչատնտեսական բաժնի տնօրէն Գերշ. Տ. Մուշեղ եպիսկոպոս Պապայեանը։

Սուրբ Պատարագի ընթացքին Ամենայն Հայոց Կաթողիկոսը «Քրիստոս ծնաւ եւ յայտնեցաւ» հրեշտակաբարբառ աւետիսով ողջունեց աշխարհասփիւռ հայութեանը եւ տօնին առիթով յղեց իր պատգամը:

Ս. Պատարագի աւարտին կատարուեցաւ Ջրօրհնէք, որուն ընթացքին Ամենայն Հայոց Կաթողիկոսը խաչով եւ Սրբալոյս Միւռոնով օրհնեց ջուրը: Խաչի այս տարուայ կնքահայրն էր Մայր Աթոռ Սուրբ Էջմիածնի բարերար, Միլանի (Իտալիա) հայ եկեղեցական վարչութեան ատենապետ Սարօ Խուտաւերտեանը:

Ջրօրհնէքի արարողութեան աւարտին Վեհափառ Հայրապետը դարձեալ իր օրհնութիւնն ու Սուրբ Ծննդեան կենսարար աւետիսը փոխանցեց ներկայ հաւատաւոր ժողովուրդին:

Share Button

Leave a Reply

Your email address will not be published. Required fields are marked *

Լրատուութեան գործընկեր