• London

  • Beirut

  • Moscow

  • Los Angeles

  • Paris

  • Sydney

  • Toronto

Գերագոյն Հոգեւոր Խորհուրդը Ողջունած է ԱՄՆ Ներկայացուցիչներու Պալատին Որոշումը

31.10.2019   09:01

Մայր Աթոռ Սուրբ Էջմիածինի մէջ, նախագահութեամբ Ն.Ս.Օ.Տ.Տ. Գարեգին Երկրորդ Ամենայն Հայոց Կաթողիկոսի, ընթացող Գերագոյն հոգեւոր խորհուրդի ժողովին, Հոկտեմբեր 30-ին, անդրադարձ եղած է Հոկտեմբեր 29-ին Ամերիկայի Միացեալ Նահանգներու Ներկայացուցիչներու պալատին կողմէ Հայոց Ցեղասպանութեան առնչութեամբ բանաձեւի ընդունման փաստին: Այս մասին ԵՌԱԳՈՅՆ-ին կը յայտնեն Մայր Աթոռի տեղեկատուական համակարգէն:

Գերագոյն հոգեւոր խորհուրդը՝ ողջունելով բանաձեւին ընդունումը՝ զայն դիտարկած է իբրեւ կարեւոր քայլ հայ ժողովուրդի նկատմամբ պատմական արդարութիւնը վերականգնելու եւ ցեղասպանութեան մեր սուրբ նահատակներու խնկելի յիշատակը յարգելու ծիրէն ներս:

Այս առնչութեամբ՝ ԳՀԽ անդամները նաեւ իրենց գնահատանքը արտայայտած են բոլոր այն կազմակերպութիւններուն ու անհատներուն, որոնց անխոնջ ջանքերուն շնորհիւ հնարաւոր դարձաւ Հայոց Մեծ Եղեռնի միջազգային ճանաչման ու դատապարտման խնդիրին գծով հասնիլ կարեւոր այս հանգրուանին:

Արտայայտելով Հայաստանեայց Առաքելական Սուրբ Եկեղեցւոյ եւ աշխարհասփիւռ հայ ժողովուրդի երախտագէտ զգացումները` Գերագոյն հոգեւոր խորհուրդը յոյս յայտնած է, որ Ամերիկայի Միացեալ Նահանգներու իշխանութիւնները եւ բարեսէր ժողովուրդը նոյն արդարամտութեամբ պիտի շարունակեն ջանքեր ներդնել` յանուն Հայոց Ցեղասպանութեան ճանաչման եւ աշխարհի մէջ նման ոճրագործութիւններու կանխարգիլման:

Share Button

Leave a Reply

Your email address will not be published. Required fields are marked *

Լրատուութեան գործընկեր