• London

  • Beirut

  • Moscow

  • Los Angeles

  • Paris

  • Sydney

  • Toronto

ՅԱՅՏԱՐԱՐՈՒԹԻՒՆ

25.09.2019   10:15

Յարգելի՛ հայրենակիցներ,

Սփիւռքի գործերու գլխաւոր յանձնակատարի գրասենեակը եւ Բարձր տեխնոլոկիական
արդիւնաբերութեան նախարարութիւնը մեկնարկած են «ՆերՈւժ 2» սփիւռքահայերու
փոխներգործուն մեկնարկի (startup) ծրագիրը: Այն նախատեսուած է հայկական ծագում ունեցող ձեռնարկատէրերու համար՝ զարգացնելու անոնց ձեռնարկութիւնները, միեւնոյն
ժամանակ հարստացնելու գիտելիքները, ընդլայնելու գործընկերային
կապերը եւ ստանալու պետական մակարդակի նիւթական օժանդակութիւն:

Ծրագիրը նպատակ ունի ստեղծել հարթակ եւ տալ հնարաւորութիւն Սփիւռքի
նորաստեղծ ընկերութիւններուն իրենց նոր ծրագիրները Հայաստան բերելու,
գործունէութիւն ծաւալելու եւ երկրէն ներս մեկնարկումներու կենսահամակարգը 
բարելաւելու համար:

Ծրագիրը պիտի իրականացուի Հայաստանի UWC Դիլիջան ուսումնարանին մէջ, 2019
թուականի Դեկտեմբերի 16-էն 20:
Ծրագիրին դիմել ցանկացողները կրնան այցելել «www.neruzh.am» կայք եւ
«դիմել» կոճակին միջոցով լրացնել յայտը:

Քառօրեայ միջոցառման ընթացքին մասնակիցներուն պիտի ներկայացուին Հայաստանի
ծրագիրներու մեկնարկման հետ կապուած կենսահամակարգը եւ Հայաստանի մէջ գործարարութեամբ զբաղելու
առաւելութիւնները, տեղական գործընկերներու հետ համագործակցութեան
հնարաւորութիւնները, պիտի ստեղծուի ընդհանուր հարթակ հայրենադարձ հայ
գործարարներու համար՝ Հայաստանի մէջ գործարարութեամբ զբաղելու նպատակով եւ
այլն:

Յաղթող խումբերը պիտի հրաւիրուին Հայաստան՝ որպէս հայրենադարձներ եւ պիտի
ստանան 15-էն 30 հազար ԱՄՆ տոլարին համարժէք դրամի դրամաշնորհներ, ինչպէս
նաեւ պիտի ստանան ձեռնարկատիրական աջակցութիւն՝ Հայաստանի մէջ իրենց
ձեռնարկութիւնները զարգացնելու նպատակով:

Այս տարի «ՆերՈւժ»ի թիրախային ոլորտներն են ելեւմտական, հասարակական,
կառավարման, կրթական, շարժական, համացանցային, գիւղատնտեսական
արհեստագիտութիւնները (technology), առողջապահութիւնը, ռոպոթաշինութիւնը, ճարտարարական (engineering)
արուեստը եւ այլն:

Ծրագիրի գործընկերներն են «FAST» եւ «IDeA» հիմնադրամները, UWC Դիլիջան
ուսումնարանը եւ այլք:

Հարցերուն պարագային ցանկացողները կրնան կապուիլ մեզի հետ info@neruzh.am 
էլ. հասցէով:

Share Button

Leave a Reply

Your email address will not be published. Required fields are marked *

Լրատուութեան գործընկեր