• London

  • Beirut

  • Moscow

  • Los Angeles

  • Paris

  • Sydney

  • Toronto

Սուրբ Պատարագով եւ Խորհրդանշական Տօնախմբութիւններով Հայաստանի Մէջ Նշուեցաւ Վարդավառը

29.07.2019   09:57

«ԶԱՐԹՕՆՔ», ՊԷՅՐՈՒԹ – Յիսուս Քրիստոսի պայծառակերպութեան տօնը` Վարդավառը, որ Հայ առաքելական Եկեղեցւոյ  տաղաւար տօներէն է, այս տարի նշուեցաւ Յուլիս 28-ին: 

 «Արմէնփրես»-ի հաղորդմամբ` ժամը 13:00-ին բոլոր եկեղեցիներէն ներս մատուցուեցաւ սուրբ պատարագ, որուն յաջորդեց ջրախաղերը գրեթէ բոլոր եկեղեցիներու բակերէն ներս:

Նոյն օրը համայնքային մեծ միջոցառումներ տեղի ունեցան Հայաստանի տարբեր շրջաններու մէջ:

Պայծառակերպութեան տօնով հաստատուած է այն ճշմարտութիւնը, որ Յիսուս Աստուծոյ որդին է: Տօնի թելադրանքն է՝ սիրել Աստուծ, հետեւիլ անոր պատուիրաններուն եւ իրականացնել Աստուծոյ կամքը:

Ժողովրդական այս տօնը առաւել յայտնի է «Վարդավառ» անունով: Անիկա Հայաստանի առանձին բնակավայրերու մէջ ունի անուանման տարբեր ձեւեր: Ինչպէս օրինակ՝ Վարթավառ (Արճակ),Վարդեւոր (Լոռի, Ջաւախք, Կաղզուան), Վարդիւոր (Դերսիմ), Ճրճանքի օր (Շաղաթ), Ճրճան (Մարտիրոս-Վայոց Ձոր), Պալլում, Պարլում կամ Պարլամոն (Քեսապ):

Վարդավառը կը համընկնէր դաշտերու մէջ հասունցած հացահատիկի հաւաքին: Տօնի օրը գրեթէ ամէնուր հասկեր կը տանէին եկեղեցի` խնդրելով, որ դաշտերը կարկուտէն եւ մարեխէն անվնաս մնան: Ցորենի հասկերէն կը պատրաստէին խաչաձեւ, ծառի ճիւղի, ծաղկեփունջի նման «խաչբուռ»:

Եկեղեցւոյ բեմը եւ Ս. Սեղանը կը զարդարէին հազարաւոր ծաղիկներով ու վարդի փունջերով:

Share Button

Leave a Reply

Your email address will not be published. Required fields are marked *

Լրատուութեան գործընկեր