• London

  • Beirut

  • Moscow

  • Los Angeles

  • Paris

  • Sydney

  • Toronto

ՀՀ-ի ու Լիբանանի Միջեւ Տնտեսական Կապերը Աճի Ներուժ Ունին. Հանդիպած Են Երկու Երկիրներու Փոխվարչապետները

20.07.2019   08:24

«ԶԱՐԹՕՆՔ», ՊԷՅՐՈՒԹ –ՄԱԿ-ի Կայուն զարգացման հարցերով բարձր մակարդակի քաղաքական ժողովին մասնակցելու նպատակով Նիւ Եորք գտնուող ՀՀ փոխվարչապետ Տիգրան Աւինեան հանդիպած է Լիբանանի փոխվարչապետ Ղասսան Հասպանիի հետ:

Ինչպէս «Արմենփրես»-ին տեղեկացուցած են ՀՀ փոխվարչապետ Տիգրան Աւինեանի գրասենեակէն, ողջունելով գործընկերը՝ Տիգրան Աւինեան ըսած է, որ Հայաստանի եւ Լիբանանի յարաբերութիւնները կը զարգանան փոխադարձ վստահութեան եւ բարեկամութեան մթնոլորտի մէջ: Յաջողած է բարձր մակարդակի քաղաքական երկխօսութիւն հաստատել, խթանել փոխշահաւէտ համագործակցութիւնը միջազգային կազմակերպութիւններու մէջ եւ զարգացնել մշակութային ու գիտակրթական կապերը:

Զրուցակիցները համակարծիք էին, որ առեւտուրի շրջանառութիւնը երկիրներուն միջեւ զգալի աճի հնարաւորութիւններ ունի եւ առկայ է մեծ ներուժ փոխշահաւէտ ներդրումներու համար:

Փոխվարչապետ Աւինեան առաջարկած է գործարար համաժողովներու կազմակերպման, գործարար համայնքներու կապերի աշխուժացման եւ պատուիրակութիւններու փոխայցելութիւններու միջոցով անհրաժեշտ հիմքեր ձեւաւորել Հայաստան-Լիբանան տնտեսական գործընկերութեան զարգացման համար: Այս ծիրէն ներս՝ կողմերը կարեւոր համարած են տնտեսական համագործակցութեան միջկառավարական յանձնաժողովի երկրորդ նիստի եւ անոր զուգահեռ գործարար համաժողովի իրականացումը, որ նոր հեռանկարներ պիտի բանայ համատեղ նախագիծերու եւ տնտեսական կապերու ընդլայնման համար:

Տիգրան Աւինեան նշած է, որ Հայաստանը լիբանանեան գործարարութեան համար կրնայ մուտք ապահովել դէպի նոր շուկաներ՝ շնորհիւ մօտ 180 միլիոն բնակչութիւն եւ 1,8 եռիլիոն ԱՄՆ տոլար ՀՆԱ (համախառն ներքին արդիւնք) ունեցող Եւրասիական միութեան անդամակցութեան ու Եւրասիական միութիւն-Իրան ազատ առեւտուրի գօտիի հաստատման:

Անդրադառնալով Լիբանանի հայ համայնքին՝ փոխվարչապետ Հասպանի ըսած է, որ համայնքը աշխուժօրէն ներգրաւուած է երկրի հանրային կեանքի տարբեր ոլորտներու մէջ եւ զգալի ներդրում ունի Լիբանանի արձանագրած առաջընթացին մէջ:

Տիգրան Աւինեան նշած է, որ լիբանանահայերը կարեւոր կապող օղակ են երկու երկիրներուն միջեւ, եւ շնորհակալութիւն յայտնած է Լիբանանի կառավարութեան՝ մեր հայրենակիցներու ազգային ինքնութեան պահպանման համար լաւագոյն պայմաններ ապահովելու համար:

Share Button

Leave a Reply

Your email address will not be published. Required fields are marked *

Լրատուութեան գործընկեր