• London

  • Beirut

  • Moscow

  • Los Angeles

  • Paris

  • Sydney

  • Toronto

Վարչապետը Հանդիպում Ունեցաւ Ռուսական Առաջատար Լրատուամիջոցներու Ներկայացուցիչներու Հետ

18.05.2019   01:58

«ԶԱՐԹՕՆՔ», ՊԷՅՐՈՒԹ – Հայաստանի Հանրապետութեան վարչապետ Նիկոլ Փաշինեան կառավարութեան շէնքէն ներս հանդիպում ունեցաւ Հայաստանի մէջ գտնուող ռուսական առաջատար զանգուածային լրատուամիջոցներու խումբ մը ներկայացուցիչներու հետ:

Ինչպէս կը յայտնէ «Արմէնփրես», վկայակոչելով ՀՀ վարչապետի աշխատակազմի տեղեկատւութեան եւ հասարակայնութեան հետ կապերու վարչութիւնը, հանդիպման, մասնակցած են «Իթառ Թաս», «Ռիա Նովսթի», «Ինթըրֆաքս», Lenta.ru լրատուական գործակալութիւններու, յայտնի թերթերու, ձայնասփիւռներու եւ «RT» հեռատեսիլի ընկերութեան լրագրողները:

Ողջունելով հիւրերը՝ վարչապետը կարեւորեց անոնց այցը Հայաստան եւ յոյս յայտնեց, որ անիկա կը նպաստէ Ռուսաստանի մէջ առաւել հանգամանալից եւ բազմակողմանի ներկայացնել   մեր երկրի մէջ տեղի ունեցող իրադարձութիւններն ու փոփոխութիւնները: 

Վարչապետը պատասխանեց լրագրողները հետաքրքրող շարք մը հարցերու, որոնք կը վերաբերէին ոչ բռնի, թաւշեայ ժողովրդական յեղափոխութեան, փտտածութեան դէմ պայքարին, արդարադատութեան, ղարաբաղեան հակամարտութեան կարգաւորման բանակցային գործընթացին, հայ-ռուսական յարաբերութիւններուն, Հայաստան-Եւրոպական միութիւն համագործակցութեան եւ այլ հարցերու:

Share Button

Leave a Reply

Your email address will not be published. Required fields are marked *

Լրատուութեան գործընկեր