• London

  • Beirut

  • Moscow

  • Los Angeles

  • Paris

  • Sydney

  • Toronto

ԱՄՆ Քոնկրէսականները Ծեծեռնակաբերդի Մէջ Յարգած Են Հայոց Ցեղասպանութեան Զոհերու Յիշատակը

19.04.2019   02:29

 ԶԱՐԹՕՆՔ», ՊԷՅՐՈՒԹ – Հայաստան այցելած ԱՄՆ քոնկրէսականները ՀՀ ԱԺ պատգամաւորներ, Հայաստան-ԱՄՆ բարեկամական խումբի անդամներ Գայեանէ Աբրահամեանի եւ Յովհաննէս Յովհաննիսեանի ուղեկցութեամբ Ապրիլ 17-ին այցելած են Ծիծեռնակաբերդի 1915 թուականի Հայոց ցեղասպանութեան զոհերու յուշահամալիր:

Ինչպէս «Արմէնփրես»-ին յայտնեցին ՀՀ Ազգային ժողովի լրատուութեան եւ հանրութեան հետ կապերու վարչութենէն, Ներկայացուցիչներու պալատի ժողովրդավարական գործընկերութեան յանձնախումբի անդամ քոնկրէսականները ծաղիկներ խոնարհած են Մեծ եղեռնի յիշատակը յաւէրժացնող անմար կրակի մօտ, լռութեամբ յարգած Սուրբ նահատակներու յիշատակը:

Անոնք այցելած են Հայոց ցեղասպանութեան թանգարան-հիմնարկ, ծանօթացած 20-րդ դարու առաջին արհաւիրքը հաւաստող վաւերագրերուն, դիտած ցուցանմուշները, գրառում կատարած «Պատուաւոր հիւրերու» յուշամատեանին մէջ: Թանգարան-հիմնարկի տնօրինութիւնը քոնկրէսականներուն նուիրած է Հայոց ցեղասպանութեան վերաբերեալ անգլերէն գիրքեր:

Share Button

Leave a Reply

Your email address will not be published. Required fields are marked *

Լրատուութեան գործընկեր