• London

  • Beirut

  • Moscow

  • Los Angeles

  • Paris

  • Sydney

  • Toronto

Չի Կրնար Ըլլալ Պետութիւն Առանց Արդարութեան Եւ Արդարադատութեան. Արմէն Սարգսեան Այցելած Է Բարձրագոյն Դատական Խորհուրդ

13.04.2019   01:47

«ԶԱՐԹՕՆՔ», ՊԷՅՐՈՒԹ – Հայաստանի Հանրապետութեան նախագահ Արմէն Սարգսեանն  այցելած է Բարձրագոյն դատական խորհուրդ:

Ինչպէս «Արմէնպրես»-ին տեղեկացուցին ՀՀ նախագահի աշխատակազմի հասարակայնութեան հետ կապերու վարչութենէն, Բարձրագոյն դատական խորհուրդի նախագահ Գագիկ Յարութիւնեան ներկայացուցած է իր գլխաւորած կառոյցի մէկ տարուայ գործունէութիւնը եւ այդ առիթով պատրաստուած «Տարեկան հաղորդումը», որ կ’ամփոփէ կատարուած աշխատանքը եւ կը մատնանշէ դատական իշխանութեան բարեփոխումներու ռազմավարական առաջնահերթութիւնները:

Գագիկ Յարութիւնեան ներկայացուցած է նաեւ մէկ տարուայ ընթացքին դատական իշխանութեան մշտադիտարկման արդիւնքները, ելեկտրոնային արդարադատութեան զարգացման ուղենիշներն ու ճանապարհային քարտէզը։

Հանրապետութեան նախագահը շնորհաւորած է Բարձրագոյն դատական խորհուրդին՝ գործունէութեան մէկ տարուայ առիթով: Նշելով, որ Բարձրագոյն դատական խորհուրդը եւ դատական համակարգը մեր երկրի ամենակարեւոր հիմնարկերէն են՝ նախագահ Սարգսեան ըսած է. «Որեւէ երկրի մէջ եւ մանաւանդ Հայաստանի մէջ պետութեան նկատմամբ վերաբերումը կը ձեւաւորուի նախ եւ առաջ հանրութեան վերաբերումէն դէպի դատարան եւ արդարադատութիւն։ Չի կրնար ըլլալ պետութիւն առանց արդարութեան, չի կրնար ըլլալ պետութիւն առանց արդարադատութեան»:

Նախագահի խօսքով՝ պետութեան վերաբերումը դէպի հանրութիւն եւ հակառակը՝ հանրութեան վերաբերումը դէպի իր սեփական պետութիւն, կը չափուին շատ պարզ չափանիշներով: Ան իբրեւ օրինակ բերած է, թէ ինչպէս կը փողոցէ քայլող անձը կը վերաբերի ոստիկանին. «Եթէ ոստիկանին կը վերաբերի որպէս պետութեան ներկայացուցիչի՝ խորին յարգանքով եւ համապատասխանաբար ոստիկանը ինքզինք կը պահէ որպէս պետութեան ներկայացուցիչ, ապա կայ ներդաշնակութիւն հանրութեան եւ պետական կառոյցի միջեւ, կայ ինչ-որ իմաստով արդար կառուցուած պետութիւն»:

Ըստ Արմէն Սարգսեանի, որպէսզի դատենք արդար երկիր ենք, թէ ոչ, փտածութիւն կայ, թէ ոչ, պէտք է նայիլ դատարաններուն, եւ շատ էական է, որպէսզի դատական համակարգը ըլլայ լաւագոյնը, հասարակութեան մէջ վստահութիւն յառաջացնէ։ Այս ճանապարհին նախագահը կարեւորած է բարձրագոյն դատական խորհուրդի, ամբողջ դատական համակարգի, իւրաքանչիւր դատաւորի դերը եւ, բնականաբար, հանրութեան հետ կապը:

Մէկ տարուայ գործունէութեան արդիւնքը գնահատելով տպաւորիչ՝ նախագահ Սարգսեան ողջունած է ներկայացուած ելեկտրոնային համակարգի մէջ արհեստական բանականութեան տարրերու օգտագործումը: «Գովելի է, որ ինչ-որ իմաստով դասական եւ պահպանողական հիմնարկըը, որպիսին դատարանն է, առջեւ կը նայի, թէ ինչպէս պէտք է փոխուի հանրութեան եւ աշխարհի հետ համընթաց»,- ըսած է նախագահ Սարգսեանը աւելցնելով. «Սա ճանապարհ է, որով բոլորս պէտք է անցնինք, որովհետեւ աշխարհը կը շարժի այդ ուղղութեամբ»:

 

Նախագահի խօսքով՝ դատաւորի եւ դատական համակարգի աշխատանքը բացի միայն մեծ քանակութեամբ տեղեկութիւններ հաւաքելէ, պիտի անցնի յաջորդ քայլին՝ վերլուծութեան: «Իւրաքանչիւր դատաւորի, ինչպէս նաեւ ձեր Խորհուրդի համար արհեստական բանականութիւնը մի քանի տարի յետոյ պիտի դառնայ լաւագոյն բարեկամը, որովհետեւ հնարաւորութիւն պիտի տայ ձեզի շատ աւելի արդիւնաւէտ աշխատիլ, վերլուծել հսկայական քանակութեամբ տուեալներ: Արհեստական բանականութիւնը պիտի փոխէ մեր կեանքը, եւ այդ փոփոխութիւնը մենք պէտք է սկսինք այսօր», – ընդգծած է Արմէն Սարգսեան:

Նախագահը Բարձրագոյն դատական խորհուրդին մաղթած է նորանոր յաջողութիւններ եւ վստահեցուցած, որ ի դէմս նախագահական հիմնարկի, անոնք պիտի ունենան լաւագոյն բարեկամ, որ պիտի աջակցի, որպէսզի Խորհուրդը կայանայ, պիտի աջակցի, որպէսզի մեր երկրի մէջ արդարութեան եւ արդարադատութեան նկատմամբ վերաբերմունքը էապէս փոխուի, եւ մենք բոլորս մեր պետութեան եւ պետականութեան նկատմամբ լեցուինք խոր յարգանքով:

Ապա Հանրապետութեան նախագահը Բարձրագոյն դատական խորհուրդի նախագահ Գագիկ Յարութիւնեանի ուղեկցութեամբ շրջեեցաւ Խորհուրդի նոր շէնքը՝ ծանօթացած պայմաններուն եւ աշխատանքի կազմակերպման:

Share Button

Leave a Reply

Your email address will not be published. Required fields are marked *

Լրատուութեան գործընկեր