• London

  • Beirut

  • Moscow

  • Los Angeles

  • Paris

  • Sydney

  • Toronto

Եւրոպական Միութիւնը Կ՛ամրապնդէ Աջակցութիւնը Հայաստանի Կրթական Ոլորտին

19.03.2019   02:12

«ԶԱՐԹՕՆՔ», ՊԷՅՐՈՒԹ-  Երէկ յայտարարուած է ԵՄ-Հայաստան կրթութեան ոլորտի բարեփոխումներու շուրջ երկխօսութեան եւ նոր կրթական կեդրոնի մեկնարկի մասին, որ պիտի նախապատրաստէ գիտութեան ոլորտի ուսանողներ եւ երիտասարդ մասնագէտներ` աշխատաշուկայի համար:

Երկխօսութեան մեկնարկը այսօր յայտարարած են Եւրոպական յանձնաժողովի հարեւանութեան եւ ընդլայնման բանակցութիւններու գլխաւոր տնօրինութեան հարեւանութեան հարցերով տնօրէն Լոուրենս Մերետիթը եւ Ուսուցման եւրոպական հիմնադրամը:

Լոուրենս Մերետիթի եւ կրթութեան եւ գիտութեան նախարար Արայիկ Յարութիւնեանի հետ հանդիպած ժամանակ ուրուագծուած են կրթութեան ոլորտի հիմնական խնդիրներու համար անհրաժեշտ լուծումները:

Բացի այդ, Մերետիթ, «Թումօ» ստեղծարար արհեստագիտութիւններու կեդրոնի հետ համատեղ, պիտի յայտարարէ ԵՄ ԹՈՒՄՕ արհեստագիտական եւ կիրառական գիտութիւններու համալիր ծրագրի մեկնարկը:

Եւրոպական Միութեան կողմէ ֆինանսաւորուող նորաստեղծ կեդրոնի նպատակն է բարձրացնել կրթութեան որակը Հայաստանի մէջ գիտութեան, արհեստագիտութեան, ճարտարագիտութեան եւ ուսողութեան (STEM) բնագաւառներուն մէջ:

«Եւրոպական Միութեան աջակցութիւնը երիտասարդներուն Հայաստանի հետ համագործակցութեան առանցքային ուղղութիւններէն է, որը Արեւելեան գործընկերութեան զարկերակն է: Ապահովելով ուսումնառութեան, աշխատանքի եւ հասարակութեան լիարժէք  մասնակից ըլլալու համար անհրաժեշտ պայմաններ երիտասարդներու համար, մենք կ՛օգնենք անոնց իրացնել առկայ ներուժը եւ դառնալ ապագայ առաջնորդներ եւ ձեռներէցներ»,- ըսած է Մերետիթ:

 

Share Button

Leave a Reply

Your email address will not be published. Required fields are marked *

Լրատուութեան գործընկեր