• London

  • Beirut

  • Moscow

  • Los Angeles

  • Paris

  • Sydney

  • Toronto

Իրանի Մէջ Ցոյցեր Սկսած Են Իսլամական Յեղափոխութեան 40-ամեակին Կապակցութեամբ

12.02.2019   01:39

«ԶԱՐԹՕՆՔ», ՊԷՅՐՈՒԹ –Իրանի մէջ աւելի քան 1000 քաղաքներու եւ 10 հազար բնակավայրերու մէջ տեղի կ’ունենան տօնական զանգուածային միջոցառումներ՝ նուիրուած Իսլամական յեղափոխութեան 40-ամեակին: Այդ մասին, ինչպէս կը հաղորդէ «Արմէնփրես»-ը, Փետրուար 11-ին յայտնած է «Tasnim» գործակալութիւնը: Ցոյցերը տեղի կ’ունենան առաւօտ կանուխէն, հոծ բազմութիւնը փողոց դուրս եկած է իրանական դրօշներով եւ պաստառներով: Ցոյցի մասնակիցներէն շատերը կը բացագանչեն կարգախօսներ, այդ կարգին՝ «Մահ Ամերիկային»:

Ցուցարարները Թեհրանի մէջ զբաղեցուցած են Ազատի խոշորագոյն հրապարակը, ուր աւելի ուշ ելոյթ կ’ունենայ Իրանի նախագահ Հասան Ռոուհանին:

Իրանի մէջ ընթացող տօնակատարութեան հարիւրաւոր գիտնականներ, քաղաքական գործիչներ եւ լրագրողներ ժամանած են այլ երկիրներէ: Միջոցառումներուն շարքային քաղաքացիներուն հետ միասին կը մասնակցին իրանցի բարձրաստիճան պաշտօնատար անձինք եւ զինուորականներ: Իսլամական յեղափոխութեան 40-ամեակին նուիրուած տօնակատարութիւնը սկսած է Փետրուար 1-ին. 1979 թուականին այդ օրը այաթոլլա Խոմեյնին՝ Իսլամական յեղափոխութեան առաջնորդը, Փարիզէն Թեհրան ժամանած էր 15-ամեայ վտարանդիութենէ ետք, հաղորդած է «Ինթերֆաքս»-ը:

Share Button

Leave a Reply

Your email address will not be published. Required fields are marked *

Լրատուութեան գործընկեր