• London

  • Beirut

  • Moscow

  • Los Angeles

  • Paris

  • Sydney

  • Toronto

Հռոմի Պապը Եւ Ազհարի Շէյխը Աննախընթաց Համաձայնագիր Մը Ստորագրեցին

06.02.2019   02:58

«ԶԱՐԹՕՆՔ», ՊԷՅՐՈՒԹ – Աշխարհի մէջ կայունութեան եւ խաղաղութեան հաստատման համար Հռոմի Ֆրանչիսկոս Պապը եւ Ազհարի Ահմատ Ալ-Թայէպ շէյխը, երէկ, Ապու Տապիի մէջ տեղի ունեցած «Մարդկութեան եղբայրներ» խորագիրը կրող համաժողովի շրջանակներէն ներս ստորագրեցին պատմական համարուած համաձայնագիր մը:

Այդ համաձայնագրի միջոցաւ անոնք կոչ ուղղեցին իսլամ եւ քրիստոնեայ հաւաքականութիւններուն՝ վերադառնալու մարդկային ակունքներուն եւ վերջ տալ պատերազմներուն:

Յիշեցնենք, որ այս համաձայնագիրը կը բաղկանայ երեք օրինակներէ, որոնցմէ մէկը պիտի մնայ՝ Հռոմի պապին, միւսը՝ Ազհարի շէյխին եւ երրորդը Ապու Տապիի կառավարութեան մօտ:

Իր կարգին, Իսլամ կրօնաւորներու համախմբումը յայտարարութեամբ մը հանդէս գալով, ողջունեց այս նախաձեռնութիւնը եւ համաձայնագիրը նկատեց այս դարու կարեւորագոյն ձեռքբերումներէն մին:

 

Share Button

Leave a Reply

Your email address will not be published. Required fields are marked *

Լրատուութեան գործընկեր