• London

  • Beirut

  • Moscow

  • Los Angeles

  • Paris

  • Sydney

  • Toronto

Նորընտիր Ազգային Ժողովի Պատգամաւորները Հանդիսաւոր Արարողութեամբ Կը Ստանան Իրենց Յանձնագիրերը

11.01.2019   02:16

«ԶԱՐԹՕՆՔ», ՊԷՅՐՈՒԹ –  Նորընտիր Ազգային ժողովի պատգամաւորներուն առաջին անգամ յանձնագիրերը կը յանձնէ ոչ թէ ԿԸՀ նախագահը, այլ ընտրողները, որոնք ընտրուած են պատահականութեան սկզբունքով՝ համակարգչային վիճակահանութեամբ: Յանձնագիրերը յանձնելու հանդիսաւոր արարողութիւնը մեկնարկած է Ա. Սպենդիարեանի անուան օփերայի եւ պալէի ազգային ակադեմական թատրոնի շէնքին մէջ:

Իւրաքանչիւր ընտրական տարածքէն ընտրուած է երկուքական ընտրող եւ երկուքական քաղաքացի, որոնք առաջին անգամ մասնակցած են ընտրութիւններուն: Պատգամաւորական յանձնագիրերը նորընտիր պատգամաւորներուն պիտի յանձնէ 28 ընտրող:

«Արմէնփրես»-ի հաղորդմամբ՝ ԱԺ առաջին նիստը կը կայանայ 2019 թուականի Յունուար 14-ին՝ ժամը 10:00-ին:

«Իմ քայլը» դաշինքը Ազգային ժողովի Դեկտեմբեր 9-ին կայացած արտահերթ ընտրութիւններու արդիւնքներուն համաձայն՝ կը ստանայ պատգամաւորական 88 աթոռ, «Բարգաւաճ Հայաստան» կուսակցութիւնը՝ 26, իսկ «Լուսաւոր Հայաստան» կուսակցութիւնը՝ 18 աթոռ։ «Իմ քայլի» չորս աթոռ կը ստանայ Հայաստանի եզիտի, ռուս, ասորի եւ քիւրտ ազգային փոքրամասնութիւններու 1-ական ներկայացուցիչ։

Share Button

Leave a Reply

Your email address will not be published. Required fields are marked *

Լրատուութեան գործընկեր