• London

  • Beirut

  • Moscow

  • Los Angeles

  • Paris

  • Sydney

  • Toronto

Աշխատանքային Այցով Կիւմրի Էր ՀՀ Նախագահ Արմէն Սարգսեան

09.11.2018   02:11

«ԶԱՐԹՕՆՔ», ԼԻԲԱՆԱՆ –  Նոյեմբեր 8ին աշխատանքային այցով Կիւմրի էր ՀՀ նախագահ Արմէն Սարգսեան: Այցի հիմնական նպատակը Շիրակի երկրագիտական թանգարանին յանձնուած նախկին վիրաբուժական հիւանդանոցի կառոյցի պայմաններուն ծանօթանալն էր:

Արմէն Սարգսեան տեղեկացուց, որ կառոյցի նախագծման աշխատանքերը իր վրայ կը վերցնէ «Երեւան, իմ սէր» հիմնադրամը: «Ոչ որպէս նախագահ, այլ որպէս «Երեւան, իմ սէր» հիմնադրամի միջազգային խորհուրդի նախագահ կը տեղեկացնեմ, որ խորհուրդը հաստատած է` «Երեւան, իմ սէր»ը Շիրակի երկրագիտական թանգարանի կառոյցի վերականգնման նախագծային աշխատանքներու համար անհրաժեշտ ծախսը իր վրայ կը վերցնէ»,- նշած է ՀՀ նախագահը: Կառավարութեան որոշմամբ Շիրակի երկրագիտական թանգարանին անհատոյց օգտագործման յանձնուած է Գալուստ Կիւլպենկեանի անուան հիւանդանոցի նախկին շէնքը:

Այցի ծիրէն ներս Արմէն Սարգսեան եղաւ նաեւ Կիւմրիի արհեստագիտական կեդրոնը եւ Կիւմրիի ժողովրդական ճարտարապետութեան եւ քաղաքային կենցաղի թանգարանը: «Այսօր Կիւմրի չեմ եկել որպէս նախագահ, այլ որպէս Արմէն Սարգսեան անձ, որ ժամանակին խոստացել էր, որ հետեւի թանգարանի ապագային: Այս թանգարանը ծառայելու է ոչ միայն Շիրակին, այլեւ ողջ հանրապետութեան: Կիւմրին միայն բնակելի տուներու կարիք չունի, շատ կարիքներ ունի` աշխատատեղերու ու հին քաղաքի վերականգնման, որ զբօսաշրջիկները սկսեն այցելելու, ինչ որ նոր հնարաւորութիւն է տալու: Կիւմրին իւրայատուկ ու տարբերուող քաղաք է, որ ամէն ինչից բացի, իր հինն ու ժառանգութիւնը պահպանել է»,- լրագրողներու հետ հանդիպման ժամանակ նշեց ՀՀ նախագահը` ցաւով փաստելով, որ երկրաշարժէն 30 տարի անց դեռ քաղաքը շարք մը խնդիրներ ունի:

 

Share Button

Մեկնաբանել

Լրատուութեան գործընկեր