• London

  • Beirut

  • Moscow

  • Los Angeles

  • Paris

  • Sydney

  • Toronto

Գերագոյն հոգեւոր խորհուրդն անդրադարձ կատարեց համասեռամոլութեան երեւոյթին

08.11.2018   23:24

ՆՈՐ ՕՐ, ԼՈՍ ԱՆՃԵԼԸՍ. – Նոյեմբերի 1-ին Մայր Աթոռ Սուրբ Էջմիածնում ընթացող Գերագոյն հոգեւոր խորհրդի ժողովն անդրադարձ կատարեց վերջին օրերին հանրութեանը յուզող` Հայաստանում համասեռամոլների ֆորումի կազմակերպման նախաձեռնութեանը:

Գերագոյն հոգեւոր խորհրդի անդամները մտահոգութիւն արտայայտեցին հնարաւոր ոչ ցանկալի զարգացումների վերաբերեալ` ընդգծելով, որ համասեռամոլութեան վարքագծի գովազդումը սպառնում է ազգային եւ հոգեւոր արժէքներին:

Քննարկումների ընթացքում Ն.Ս.Օ.Տ.Տ. Գարեգին Երկրորդ Ծայրագոյն Պատրիարք եւ Ամենայն Հայոց Կաթողիկոսը խնդրի վերաբերեալ ներկայացրեց իր դիտարկումները` մասնաւորապէս նշելով. «Վերջին օրերին խորը մտահոգութեամբ տեղեկացանք համասեռամոլների կողմից Հայաստանում նախաձեռնուող ֆորումի լուրերի մասին, որն առաջացրել է մեր ժողովրդի մեծ վրդովմունքը:

Մեր Քրիստոսասէր ժողովուրդը դարեր ի վեր կրողն է աստուածօրհնեալ ընտանիքի նուիրական գաղափարի եւ պահպանողը ընտանիքի սրբագործուած արժէքի: Աստուածահաստատ ընտանիքի սրբազան խորհրդով է շարունակւում կեանքի գոյութիւնը, կեանքի հրաշագործութիւնը: Աստուած պատուիրաններ ու բարոյականութեան նորմեր է սահմանել արարչաստեղծ մարդու համար: Այսօր, սակայն, փորձ է արւում բարոյական շեղումները եւ դրանց բացայայտ քարոզչութիւնը ներկայացնել իբրեւ մարդու իրաւունքներ եւ ազատութիւններ: Քրիստոսի Սուրբ Եկեղեցին համասեռամոլութեան երեւոյթի նկատմամբ իր դիրքորոշումն արտայայտել է՝ անընդունելի հռչակելով այդ կենցաղակերպը իբրեւ մարդկային բնութեան խեղում, բայց երբեք չդադարելով հովուական խնամք ցուցաբերել եւ կոչ անել այդ մեղքի մէջ յայտնուած անձանց՝ սրբագրելու իրենց ընթացքը:

Խստօրէն մերժելի են եւ դատապարտելի ԼԳԲՏ (LGBT – lesbian, gay, bisexual, and transgender) ներկայացուցիչների կողմից հասարակութեան մէջ հրահրումներ առաջացնելու քայլերը եւ համասեռամոլութեան երեւոյթի որեւէ հանրայնացում ու դրա գովազդում, որը գայթակղութիւն է մեր աճող սերնդի համար եւ սպառնալիք՝ մեր ազգի յարատեւութեանը»:

Share Button

Մեկնաբանել

Լրատուութեան գործընկեր