• London

  • Beirut

  • Moscow

  • Los Angeles

  • Paris

  • Sydney

  • Toronto

Արա Պապլոյեան Հանդիպած Է Ֆրանքոֆոնիայի Խորհրդարանական Վեհաժողովի Նախագահի Գլխաւորած Պատուիրակութեան Հետ

11.10.2018   01:23

«ԶԱՐԹՕՆՔ», ՊԷՅՐՈՒԹ –ՀՀ Ազգային ժողովի նախագահ Արա Պապլոյեան  Հոկտեմբեր 9-ին հանդիպած է Ֆրանքոֆոնիայի միջազգային կազմակերպութեան 17-րդ գագաթնաժողովի ծիրէն ներս Երեւան գտնուող Ֆրանքոֆոնիայի խորհրդարանական վեհաժողովի նախագահ Ժագ Շանիոնի գլխաւորած պատուիրակութեան հետ, որուն կազմին մէջ էր ՖԽՎ խորհրդարանական գլխաւոր քարտուղար, Ֆրանսայի ԱԺ պատգամաւոր Ժագ Քրապալը: Ինչպէս կը փոխանցէ «Արմէնփրես»-ը, ՀՀ Ազգային ժողովի լրատուութեան եւ հանրութեան հետ կապերու վարչութենէն կը տեղեկացնեն, որ հանդիպումին մասնակիցներու շարքին էին նաեւ Զուիցերիոյ խորհրդարանի անդամներ Տիտիէ Տերեպերան եւ Քրիսթիան Լըվրան ու Ռումինիայի պատգամաւորներու պալատի անդամ Սորին Նիհայ Սիմբէանուն, որ Ֆրանքոֆոնիոյ համալսարանական կազմակերպութեան նախագահն է: Հանդիպումին մասնակցած են նաեւ Ֆրանքոֆոնիոյ խորհրդարանական վեհաժողովին ՀՀ ԱԺ պատուիրակութեան ղեկավար Մարգարիտ Եսայեանը եւ ՀՀ ԱԺ աշխատակազմի ղեկավար-գլխաւոր քարտուղար Արա Սաղաթելեանը:

Արա Պապլոյեանը, ողջունելով հիւրերը, կարեորած է անոնց այցը Երեւան՝ Ֆրանքոֆոնիայի գագաթնաժողովի ծիրէն ներս:

ՀՀ ԱԺ նախագահի խօսքով՝ Ֆրանքոֆոնիան այսօր դարձած է մեր կեանքի մէկ մասը: Խորհրդարանի ղեկավարը գոհունակութեամբ ընդգծած է, որ Հայաստանն ու ՀՀ Ազգային ժողովը կարեւոր դեր ստանձնած են Ֆրանկոֆօն արժէքներու տարածման գործին մէջ. համապատասխանաբար Հայաստանը 2012-ին եւ ՀՀ Ազգային ժողովը 2014-ին ստացած են Ֆրանքոֆոնիայի միջազգային կազմակերպութեան եւ խորհրդարանական վեհաժողովի մշտական անդամի նոր կարգավիճակ:

«Ֆրանքոֆոնիայի գագաթնաժողովի անցկացումը մեր երկրում, որն աննախադէպ միջազգային իրադարձութիւն է, Ֆրանքոֆոնիային մեր նուիրուածութեան եւս մէկ նշան է: Այն կը նպաստի մեր տարածաշրջանում Ֆրանքոֆոնիայի ազդեցութեան ընդլայնմանը՝ համերաշխութեան, ժողովուրդների հաւասարութեան, երկխօսութեան, ժողովրդավարութեան, մարդու իրաւունքների պաշտպանութեան, մշակութային բազմազանութեան եւ այլ արժէքների ու սկզբունքների օգտին, ինչը մենք կիսում ենք Ֆրանքոֆօն ընտանիքի այլ անդամների հետ»,- ըսած է Արա Պապլոյեանը:

Օրէնսդիր մարմինի ղեկավարի խօսքով՝ գագաթնաժողովը կ’ըլլայ Հայաստանի մէջ երբեւէ տեղի ունեցած ամենամեծ իրադարձութիւնը եւ կը նպաստէ մեր երկրի յարաբերութիւններու ամրապնդման Ֆրանքոֆոնիայի անդամ միւս պետութիւններու հետ: Ան փաստած է, որ Հայաստանի Հանրապետութիւնը ողջ ուժերը կեդրոնացուցած է գագաթնաժողովի յաջողութիւնը ապահովելու եւ Ֆրանքոֆոնիային գեղեցիկ տօն պարգեւելու համար:

Ազգային ժողովի նախագահի խօսքով՝ այս տօնին տխրութիւն հաղորդեց գագաթնաժողովի նախօրէին Շառլ Ազնաւուրի մահուան բօթը: «Շանսոնիէի մահը մեծ կորուստ էր ոչ միայն հայ եւ ֆրանսիացի ժողովուրդների համար, այլ ամբողջ Ֆրանքոֆոնիայի համար: Ոգեշնչուելով իր արմատներով՝ Ազնաւուրը ֆրանսերէնի դեսպանն էր, նա ֆրանքոֆոնիայի, դրա արժէքների մարմնաւորումն էր»,- ընդգծած է Արա Պապլոյեան:

Աւարտելով խօսքը՝ ՀՀ ԱԺ նախագահը աւելցուցած է, որ ֆրանսերէնը այն հիմքն է, որ կը միաւորէ Ֆրանքոֆօն երկիրները եւ որուն միջոցով ժողովուրդները կրնան կիսել իրենց գաղափարները, համոզումներն ու ապագայ ծրագիրները:

Հանդիպումէն ետք ի պատիւ Ֆրանկոֆօն խորհրդարանականներու՝ ՀՀ ԱԺ նախագահ Արա Պապլոյեանի անունով տրուած է պաշտօնական ընթրիք: 

Share Button

Մեկնաբանել

Լրատուութեան գործընկեր