• London

  • Beirut

  • Moscow

  • Los Angeles

  • Paris

  • Sydney

  • Toronto

Մարտակերտի Ու Շահումեանի Համայնքներուն Մէջ կը Հիմնուին B&B Կարգի Հիւրատուներ

12.04.2018   20:25

ԱՀ մշակոյթի, երիտասարդութեան հարցերու եւ զբօսաշրջութեան նախարարութեան զբօսաշրջութեան վարչութիւնը Արցախի մէջ սկսած է B&B կարգի հիւրատուներու զարգացման ծրագիրի մշակումը:

Զբօսաշրջութեան վարչութեան պետ Արտակ Գրիգորեանի խօսքով` ծրագիրի առաջին փուլին մէջ ընդգրկուած է Մարտակերտի ու Շահումեանի շրջաններու մինչեւ 15 համայնք:

«Ատոնք ընտրուած են, քանի որ կը գտնուին հիւսիսային զբօսաշրջային երթուղիին վրայ: Ծրագիրը պիտի իրականացուի «Հայաստանի Փոքր եւ միջին ձեռնարկատիրութեան զարգացման ազգային կեդրոն» (ՓՄՁ ԶԱԿ) հիմնադրամի աջակցութեամբ եւ Արցախի ներդրումային հիմնադրամին հետ համագործակցութեամբ:

ՓՄՁ զարգացման ազգային կեդրոնին հետ արդէն համաձայնութիւն կայ համապատասխան մասնագէտներու ներգրաւման հարցով»,- ըսած է Ա. Գրիգորեան` աւելցնելով, որ համայնքներու այն բնակիչները, որոնց համար հետաքրքրական է այս ծրագիրը, պիտի ունենան համապատասխան դասընթացքներ` հետագային համայնքներուն մէջ հիւրատուներու ծառայութիւնը արդիւնաւէտ կազմակերպելու համար:

Պատասխանատուի հաղորդմամբ` B&B կարգի հիւրատուներու հիմնումը Արցախի մէջ նախադրեալներ կը ստեղծէ նաեւ Ecotourism-ի զարգացման համար:

 

 

 

Share Button

Մեկնաբանել

Լրատուութեան գործընկեր