• London

  • Beirut

  • Moscow

  • Los Angeles

  • Paris

  • Sydney

  • Toronto

Հայաստանի Հանրապետութիւն Պաշտպանութեան Նախարարի Ուղերձը Երիտասարդներուն

14.08.2014   12:32

Հայաստանի Հանրապետութեան պաշտպանութեան նախարար Սէյրան Օհանեան  Երիտասարդութեան միջազգային օրուան առիթով երիտասարդներուն յղեց ուղերձ մը, որուն մէջ մասնաւորապէս կ՛ըսուի.   «Սիրելի՛ երիտասարդներ, Հայկական բանակը, որ հսկայական զոհողութիւններու գնով կայացաւ եւ յաղթեց արցախեան ազատամարտին մէջ, իսկ տագնապալի այս օրերուն իր հերոսական առաքելութիւնը փայլո՛ւն կերպով կատարելու ատեն ամէն վայրկեան իր թիկունքին զգաց իսկապէս համաժողովրդական աջակցութիւն, Հայաստանի եւ Արցախի մեծագոյն երիտասարդական կառոյցն է: Եւ իբրեւ Հայաստանի Հանրապետութեան պաշտպանութեան նախարար, ամէն վայրկեան զգալով Հայաստանի եւ Արցախի սահմանները երիզող մարտական դիրքերուն վրայ հակառակորդին դիմաց կանգնած 18-էն 20 տարեկան զինուորներուն, պայմանագրային զինուորական ծառայութիւն կատարողներուն եւ երիտասարդ սպաներուն վստա՛հ շնչառութիւնը, տեսնելով անոնց երիտասարդ, բայց խուճապի նշոյլ իսկ չկրող համարձակ դէմքերը, յիշելով անոնցմէ առաջ այդ խրամատներուն մէջ կանգնած մարտիկները, եւ բոլորդ շնորհաւորելով Երիտասարդութեան միջազգային օրուան առիթով, պարզ մարդկային շնորհակալութիւն կը յայտնեմ ձեզի, հայրենիք եւ ժողովուրդ պաշտպանել կարենալու, Հայաստան եւ Արցախ բառերը լսելով` մեր սերունդին պէս ամէն զոհողութեան պատրաստ ըլլալու համար: Դժուարին պահերուն երիտասարդութիւնը կ՛առաջադրէ նոր գաղափարներ, կ՛ընտրէ զանոնք կեանքի կոչելու ուղին, եւ կը խորհրդակցի իրենց իմաստութեամբ զգուշացնելով հեռու մնալու տարբեր փորձութիւններէ, թիկունք կը կանգնին ձեզի: Ձեր աւիւնն ու եռանդը, ձեր նուիրուածութիւնը ազգային եւ համամարդկային արժէքներուն, եւ միաժամանակ նոր, յաճախ առաջին հայեացքէն աւելի քան համարձակ թուացող գաղափարներն են, որոնք կը կամրջեն հայութիւնը` ստեղծելով այն հիմքը, որուն վրայ պիտի խարսխուի հայկական համաժողովրդական բանակը եւ պիտի դիմագրաւէ հայութեան սպառնացող ամէնէն տարբեր նենգ վտանգները: Անկախ սերունդներէն, մենք նոյն ուղին ընտրած ենք, եւ վստահ եմ, որ ոչ մէկ գայթակղութիւն կամ փորձութիւն մեզ պիտի չշեղէ այդ դժուարին, բայց ճակատագիրով մեզի՛ վերապահուած ճամբէն»:

 

Share Button

Leave a Reply

Your email address will not be published. Required fields are marked *

Լրատուութեան գործընկեր