• London

  • Beirut

  • Moscow

  • Los Angeles

  • Paris

  • Sydney

  • Toronto

ՀՀ Սփիւռքի Նախարարը Ընդունեց Աստուածաշունչի Ընկերութեան Արաբական Ծոցի Տարածաշրջանի Ընդհանուր Քարտուղար Դոկտոր Հրայր Ճէպէճեանը

16.07.2014   08:04

Հուլիսի 15-ին ՀՀ սփյուռքի նախարար Հրանուշ Հակոբյանն ընդունեց Աստվածաշնչյան ընկերության Արաբական ծոցի տարածաշրջանի ընդհանուր քարտուղար,  Միջին Արևելքի Աստվածաշնչյան ընկերության խորհրդի ատենապետ դոկտոր Հրայր Ճէպէճեանին և իր տիկնոջ Կիպրոսի «Նիկոսիայի համալսարանի» բանասիրության, սոցիոլոգիայի և իրավագիտության բաժնի դասախոս, սոցիոլոգ լեզվաբան դոկտոր Արտա Պոյնէրեան ճէպէճեանին:

Հրայր Ճէպէճեանը Մերձավոր Արևելքի Հայ Ավետարանական եկեղեցիների միության (ՄԱՀԱԵՄ) կենտրոնական մարմնի, Էշրէֆիէի Հայ Ավետարանական Եկեղեցու, Հայկազյան համալսարանի խնամակալության, Ազունիեի ազգային բուժարանի, Հայ Ավետարանական կենտրոնական բարձրագույն վարժարանի հոգաբարձության, «Հայաստան» համահայկական հիմնադրամի Կիպրոսի տեղական մարմնի, Ցեղասպանութեան ոգեկոչման 90-րդ տարելիցի Լիբանանահայ կենտրոնական վարչական մանրմնի անդամ է:

Ներկայումս Հայ Ավետարանական «Արմիս» մշակութային հանձնախմբի ատենապետն է:

ՀՀ սփյուռքի նախարարը կարևորեց դոկտոր Ճէպէճեանի դերակատարությունը հայապահպանության գործում, ինչպես նաև նրա իրականացրած միջեկեղեցական մեծածավալ գործունեությունը` ի սպաս Սփյուռքի զորացման:

Հանդիպման ընթացքում քննարկվեցին Հայոց ցեղասպանության միջազգային ճանաչման ուղղությամբ տարվող աշխատանքների ակտիվացման հնարավորությունները, սիրիահայերի խնդիրների լուծմանն օժանդակելու կարևորությունը, ինչպես նաև արեւմտահայերենի  պահպանմանն ուղղված խնդիրներն ու  դասական եւ նոր Սփյուռքի մերձեցմանն ուղղված հարցերը:

Հաշվի առնելով նրա ազգային, միութենական և համայնքային կյանքում իրականացրած գործունեությունը, ինչպես նաև Սփյուռքում մայրենի լեզվի անաղարտության պահպանման գործում ունեցած ավանդը, ՀՀ սփյուռքի նախարար Հրանուշ Հակոբյանը դոկտոր Հրայր Ճէպէճեանին պարգեւատրեց «Մայրենիի դեսպան» մեդալով:

Շնորհակալություն հայտնելով ՀՀ սփյուռքի նախարարությանը, նա բարձր գնահատեց գերատեսչության դերակատարությունը Հայրենիք-Սփյուռք կապերի զարգացման գործում, նշեց որ Հայրենիքից ստացած յուրաքանչյուր ազդակ ոգևորիչ է, և սփյուռքահային գործելու նոր ուժ ու եռանդ է տալիս: Պարոն Ճէպէճեանը հավելեց. «Ապրելով Սփյուռքում, մենք մշտապես զգում ենք Ձեր ուշադրությունն ու հոգածությունը մեր ու մեր կատարած աշխատանքի նկատմամբ: Փոքր համայնքները կաշկանդված են եւ պետք է ոգեշնչել նրանց»:

Share Button

Leave a Reply

Your email address will not be published. Required fields are marked *

Լրատուութեան գործընկեր