ՀՀ ՍՓԻՒՌՔԻ ՆԱԽԱՐԱՐ ՀՐԱՆՈՅՇ ՅԱԿՈԲԵԱՆ ԸՆԴՈՒՆԵՑ ՌԱԳԸՓ ԶԱՐԱՔՈԼՈՒՆ

Ուրբաթ 4 Յուլիս 2014-ին ՀՀ սփիւռքի նախարար Հրանոյշ Յակոբեան ընդունեց Ցեղասպանութեան ճանաչման համար պայքարող թուրք մտաւորական Ռագըփ Զարաքոլուն: Այս մասին կը հաղորդէ Սփիւռքի Նախարարութեան կայքէջը:
Ռագըփ Զարաքոլուն Հայաստան է ժամանած է «Հայոց ցեղասպանութիւնը Օսմանեան կայսրութեան մէջ. վերապրածներու վկայութիւններ» արխիւային փաստաթուղթերու եռահատոր ժողովածուի հիման վրայ ստեղծուած թուրքերէն միահատորեակի շնորհանդէսին մասնակցելու նպատակով: Շնորհանդէսը կայացած է Յուլիս 3-ին Առնօ Բաբաջանեանի անուան համերգասրահէն ներս, ուր ուշագրաւ ելոյթով հանդէս եկած է թուրք մտաւորականը:
Նախարար Հրանոյշ Յակոբեան բարձր գնահատելով թուրք մտաւորականի ներդրումը Հայոց ցեղասպանութեան ճանաչման գրծին մէջ նշեց. «ձեզ ընդունում ենք որպէս ազնիւ մտաւորականի, եղբօր, որ չի կարողանում ապրել կեղծիքի, ստի եւ անարդարութեան մթնոլորտում: Ցեղասպանութիւնից անցել է 100 տարի, թուրք ժողովուրդը պէտք է ազատուի այդ բեռից եւ այդ հարցում ժողովրդին պէտք է առաջնորդեն Ձեր նման մտաւորականները»: Նա առանձնայատուկ կարեւորեց Թուրքիայում Հայոց ցեղասպանութեան մասին պատմող գրքերի, աշխատութիւնների հրատարակումը` շեշտելով Ցեղասպանութեան ականատեսների վկայութիւնների փաստագրման եւ հրապարակման գործում Ռագըփ Զարաքոլուի մեծ աւանդը: «ցեղասպանութիւնը մինչ օրս շարունակւում է».
«Հայաստանի նկատմամբ 25 տարի շարունակուող շրջափակմամբ, հայկական սփիւռքի հոգեկան տառապանքներով ու դեգերումներով». նշեց տիկին Յակոբեան:
Շնորհակալութիւն յայտնելով ընդունելութեան համար` թուրք մտաւորական Ռագըփ Զարաքոլուն` յանուն Հայոց Ցեղասպանութեան ճանաչման եւ արդարութեան վերականգնման իր պայքարը համարեց պատւոյ պայքար: Ան տեղեկացուց, որ կը շարունակէ վկայութիւններու ու ականատեսներու պատմութիւններու հաւաքագրումը եւ յառաջիկային հրապարակելու է եւս 2 գիրք` մէկը քիւրտերու, միւսը` իսլամացած կանանց վկայութիւններու մասին: Նախարար Հրանոյշ Յակոբեան պատրաստակամութիւն յայտնեց Ռագըփ Զարաքոլուի նշած 2 գիրքերու շնորհանդէսը կազմակերպելու Սփիւռքի նախարարութենէն ներս: Ի դէպ, թուրք մտաւորականը տեղեկացուց, որ վերսկսած է հայոց լեզուի տիրապետելու իր ընդհատուած դասընթացը, եւ յոյս յայտնեց , որ շուտով Հայաստանի մէջ հաղորդակցուելու համար այլեւս թարգմանիչի կարիք չ’ունենայ:
Հանդիպման ընթացքում քննարկուեցան Հայոց ցեղասպանութեան միջազգային ճանաչման, դատապարտման, հետեւանքներու վերացման, պահանջատիրութեան, ինչպէս նաեւ ցեղասպանութեան 100-րդ տարելիցին ընդառաջ կազմակերպուելիք միջոցառումներուն վերաբերող հարցեր:
One response to “ՀՀ ՍՓԻՒՌՔԻ ՆԱԽԱՐԱՐ ՀՐԱՆՈՅՇ ՅԱԿՈԲԵԱՆ ԸՆԴՈՒՆԵՑ ՌԱԳԸՓ ԶԱՐԱՔՈԼՈՒՆ”
Leave a Reply
Լրահոս
-
29.09.2020
Մեր Յաղթանակը Այլընտրանք Չունի. Յայտարարութիւն
-
16.09.2020
Ռ.Ա.Կ. Լիբանանի Շրջանային Վարչութեան Հանդիպումը Մտաւորական Ընկերներու Հետ
-
11.08.2020
Եւրոպական Խորհուրդի Նախագահ՝ Չարլզ Միշըլի Այցը Հաուըրտ Գարակէօզեան
-
11.08.2020
Հայաստան Հաստատուած Լիբանանահայերուն Ուշադրութեան
-
11.08.2020
Կառավարութիւնը Հրաժարեցաւ. Կը Մնայ Որ Խորհրդարանը Եւս Հրաժարի
-
10.08.2020
Ես Գիտեմ
-
10.08.2020
Հայաստանի Հանրապետութեան Պատուիրակութիւնը Լիբանանի Մէջ. Հանդիպում Վեհափառ
-
10.08.2020
Հայաստանի Հանրապետութեան Պատուիրակութիւնը Լիբանանի Մէջ. Հանդիպում Մամուլի
-
10.08.2020
Սեւրի Դաշնագրին 100րդ Տարեդարձին Առթիւ
-
10.08.2020
ՊԱՏՄՈՒԹԵԱՆ ՄԷՋ ԱՅՍՕՐ. Սեւրի Դաշնագիր


“Get-ste Rag-Mamoule”– Nayev anor hamar ash-khadogh polor mer medavoragan nuviryalnere. Menk bedk eh HAVADANK mer nergayin yev nor serount badrasdelou tejvar kordzin.