• London

  • Beirut

  • Moscow

  • Los Angeles

  • Paris

  • Sydney

  • Toronto

ՀԱՅԱՍՏԱՆԻ ԱԹՈՄԱԿԱՅԱՆԸ 2017-ԻՆ ՊԻՏԻ ՆՈՐՈԳՈՒԻ

05.07.2014   03:01

Հայաստանի աթոմական ելեկտրակայանի հիմնովին նորոգութեան աշխատանքները պիտի սկսին 2017 թուականին, որուն շնորհիւ կարելի պիտի ըլլայ կայանի շահագործման ժամկէտը երկարաձգել մինչեւ 2026 թուական: Լրագրողներուն հետ ունեցած հանդիպումին ընթացքին այս մասին յայտնած է Հայաստանի ուժանիւթի եւ բնական պաշարներու նախարար Երուանդ Զախարեանը: Անոր համաձայն՝ աթոմական ելեկտրակայանի նորոգութիւնը, նախնական հաշիւներով, պիտի արժէ շուրջ 300 միլիոն տոլար: «Աշխատանքները կարող են տեւել աւելի քան 6 ամիս, որը հնարաւոր է ազդեցութիւն ունենայ նաեւ էլեկտրաէներգիայի սակագնի վրայ: Սակայն Կառավարութիւնը ծրագրեր ունի, որ մօտակայ տարիների ընթացքում կառուցուի Երեւան ՋԵԿի 2րդ բլոկը, որն աւելի ձեռնտու կը լինի սակագնային առումով», աւելցուցած է Զախարեան: Այս մասին կը յայտնէ Armenpress-ը։

Նախարարը անդրադարձած է նաեւ նոր աթոմակայանի կառուցման՝ նշելով, որ այդ առնչութեամբ աշխատանքները հաւանաբար սկսին 2018-2019 թուականներուն: «Նոր ատոմակայանի կառուցումն անխուսափելի եւ անհրաժեշտ է Հայաստանի տնտեսութեան համար: Այսօր բանակցութիւններ են տարւում Ռուսաստանի եւ այլ երկրների հետ, նպատակաուղղուած աշխատանք է կատարւում, որ նոր ատոմակայանի կառուցման աշխատանքները սկսենք 2018-2019 թուականներին», նշած է նախարարը։

Աթոմական ելեկտրակայանի շահագործման ժամկէտը մինչեւ 2026 թուական երկարաձգելու որոշումը տրուած է կառավարութեան կողմէ՝ Սեպտեմբեր 2013-ին։

Share Button

Leave a Reply

Your email address will not be published. Required fields are marked *

Լրատուութեան գործընկեր