• London

  • Beirut

  • Moscow

  • Los Angeles

  • Paris

  • Sydney

  • Toronto

Տիապ Խոստացաւ «Դրական Փոփոխութիւն» Յառաջ Բերել. Բարեփոխումներ Կիրառել

22.05.2020   08:52

Լիբանանի Վարչապետ Հասսան Տիապ երէկ՝ իր պաշտօնի ստանձնման 100րդ օրուան առիթով ելոյթ ունեցաւ խոստանալով »դրական փոփոխութիւններ» երկրի կառավարման մէջ շրջանցելու համար տնտեսական տագնապը, որուն համար նաեւ կատարելով բարեփոխումներ:

Տիապ շեշտեց, որ կառավարութիւնը իր աշխատանքի անցնելուն 100 օրուայ ընթացքին արդէն իսկ իրագործած է տուեալ 100 օրերուն համար իր նախատեսած աշխատանքներուն 97 տոկոսը:

Ըստ Տիապի կառավարութիւնը յաջողած է կասեցնել երկրի ամբողջական անկումը:

Վարչապետը իր այս հաստատումները ըրաւ վարչապետարանին մէջ նախարարաց խորհուրդի հերթական նիստէն առաջ:

Կառավարութիւնը իր նիստին ընթացքին երկարաձգեց երկրին տարածքին հաստատած առողջապահական արտակարգ իրավիճակի դրութիւնը, որ այս անգամ պիտի տեւէ մինչեւ Յունիս 7: Այս որոշումը առնուեցաւ ի տես այն մրցանշային վարակումի դէպքերուն, որոնք արձանագրուեցան երէկ՝ մէկ օրուայ մէջ վարակուողներուն թիւը հասցնելով 63-ի, մինչ Լիբանանի տարածքին մինչեւ երէկ վարակուածներու ընդհանուր թիւը հասաւ 1024-ի:

Աջակցէ՛ ԶԱՐԹՕՆՔ-ին. Ապահովէ՛ Անոր Գոյերթը

 

 

Share Button

Leave a Reply

Your email address will not be published. Required fields are marked *

Լրատուութեան գործընկեր