• London

  • Beirut

  • Moscow

  • Los Angeles

  • Paris

  • Sydney

  • Toronto

Լիբանան Կը Պատրաստուի Աւելի Եւս Խիստ Միջոցառումներու

07.04.2020   08:16

Լիբանանի կառավարութիւնը կը պատրաստուի Հինգշաբթի օր երկու շաբթուայ նոր ժամկէտով մը շարունակել առողջապահական արտակարգ իրավիճակի միջոցառումները, մինչ այդ նոր կարգադրութիւններ կ՛ըլլան աւելի եւս  խստացնելու օրէնքները:

Յիշեցնենք, որ ներքին գործոց նախարարութեան  կարգադրութեամբ   երեկուընէ սկսեալ  գործադրութեան դրուեցաւ  յատուկ  ընթացակարգ մը, որուն  հիմամբ    քաղաքացիական  ինքնաշարժները եւ   կառքերը    իրաւունք  պիտի ստանան  երկրով մէկ շրջագայելու։

Երէկուայ   մեր թիւով վրիպակ մը արձանագրած ըլլալով, այսօր կը յստակացնենք, որ   այսուհետեւ   զոյգ   համարով աւարտող    ինքնաշարժները    իրաւունք  պիտի ունենան  շրջագայելու   ՝ երեքշաբթի, հինգշաբթի  եւ շաբաթ   օրերը, իսկ անզոյգ   համարով  աւարտող  ինքնաշարժները  ՝ երկուշաբթի, չորեքշաբթի  եւ ուրբաթ     օրերը։ Զեռօ համարը պիտի նկատուի զոյգ մինչ

 կիրակի  օրերը  քաղաքացիներ  իրաւունք պիտի չունենան     շրջագայելու։

 Երէկ, Լիբանանի ամբողջ տարածքին    արդէն իսկ  տեղադրուած էին յատուկ անցարգելներ,  ստուգելու համար    հրապարակուած  օրէնքին    գործադրութիւնը։

 Հրապարակուած  օրէնքը  քաղաքացիական  ինքնաշարժներէն  բացի  կը վերաբերի նաեւ   մարդատար կառքերուն եւ     բեռնատար ամէն չափի   կառքերուն։ Առողջապահական համակարգի աշխատողները, լրատուական միջոցներու աշխատաւորները, փուռերը եւ կարգ մը այլ աշխատանքներ պիտի համարուին զերծ այս միջոցառումէն:

Վերադառնալով արտակարգ իրավիճակի երկարաձգման, կը ծրագրուի, որ ան տեւէ մինչեւ 26 Ապրիլ:

Share Button

Leave a Reply

Your email address will not be published. Required fields are marked *

Լրատուութեան գործընկեր