• London

  • Beirut

  • Moscow

  • Los Angeles

  • Paris

  • Sydney

  • Toronto

Իրանէն եկող Օդանաւ մը Եւս Վայրէջք Կատարեց Պէյրութի Մէջ Հակառակ Քորոնա Ժահրի Հետ Կապուած Մտահոգութիւններու

25.02.2020   09:09

Երէկ Իրանէն եկող օդանաւ մը եւս վայրէջք կատարեց Ռաֆիք Հարիրիի անուան Պէյրութի  միջազգային օդակայանին մէջ հակառակ քորոնա ժահրին հետ կապուած մտահոգութիւններու:

Ըստ աղբիւրներուն օդանաւը վայրէջք կատարեց առաւօտեան ժամը 9ին: Օդանաւին մէջ կային 218 ճամբորդներ: Առողջապահութեան նախարարութեան կողմէ նշանակուած բժիշկներ բարձրացան օդանաւ քննութիւններ կատարելու համար: Կատարուած քննութիւններու արդիւնքով, քորոնայէ վարակուած ճամբորդ չկար:

Հետեւաբար բոլոր եկողները իրենց տուները գացին առանց արգելքի:

«Քաղաքացիներուն կոչ կ՛ուղղեմ վստահութիւն ունենալ մեր ձեռք առած կանխազգուշութեան միջոցներուն վրայ: Վախը հասկնալի է սակայն խուճապը ընդունելի չէ» ըսաւ Առողջապահութեան նախարարը:

Ըստ կարգ մը ժամանած ճամբորդներուն վկայութեան սակայն, ի գործ դրուած միջոցները ընդամէնը ջերմութեան ստուգումն է եւ հեռախօսի եւ հասցէի արձանագրութիւնը, որ բաւարար չէ կանխազգուշութիւն կոչուելու երբ օդանաւ մը կը հասնի այդ ժահրով վարակուած ըլլալով ծանօթ երկրէ մը:

Share Button

Leave a Reply

Your email address will not be published. Required fields are marked *

Լրատուութեան գործընկեր