• London

  • Beirut

  • Moscow

  • Los Angeles

  • Paris

  • Sydney

  • Toronto

Միջազգային Ընտանիքին Հայեացքը Կառավարական Ծրագրին Ուղղուած Է

24.01.2020   09:51

Լիբանանին զօրակցող միջազգային ընտանիքը կոչ ըրաւ Լիբանանի Վարչապետ Հասսսան Տիապի կառավարութեան, որպէսզի որդեգրէ կառավարական այնպիսի ծրագիր մը, որ կը բովանդակէ վստահութիւն ներշնչող եւ բարեփոխութիւններ իրագործող քայլերու փաթեթ մը, որ կը համընկնի ժողովուրդին պահանջներուն հետ:

Երէկուայ համեմատաբար խաղաղ օրը յատկանշուեցաւ նախարարութիւններ յանձնելու եւ ստանձնելու արարողութիւններով: Այս բանին զուգահեռ ներքին ապահովական ուժերը ամուր պատնէշ մը տեղադրեցին դէպի խորհրդարան տանող մուտքերը փակելով այն նախատեսութեամբ, որ ժողովրդային շարժումները կրնան նոր եւ աւելի եւս ուժգին չափ ստանալ:

Մինչ այդ յստակացաւ, որ Լիբանանի վարչապետ Հասսան Տիապ պիտի դառնայ առաջին վարչապետը, որ պիտի բնակի վարչապետարանին մէջ։ Այս մասին կը  հաղորդէ «Արեւելք»ը նշելով նաեւ, որ Տիապ այսպիսով պիտի հանդիսանայ առաջին վարչապետը, որ իր ընտանիքին հետ պիտի ապրի վարչապետարանին մէջ։ Յիշեցնենք, որ Լիբանանի նահատակ վարչապետ Ռաֆիք Հարիրիի ճիգերով վերանորոգուած վարչապետարանին մէջ գործած են Լիբանանի վարչապետներ ՝ Ռաֆիք Հարիրի, Սալիմ Հըս, Ֆուատ Սինիորա Օմար Քարամի, Թամմամ Սալամ եւ Սաատ Հարիրի, որոնք բոլորն ալ ունեցած են սեփական տուներ եւ մշտական կայք չեն հաստատած վարչապետարանի շէնքին մէջ:

 

Share Button

Leave a Reply

Your email address will not be published. Required fields are marked *

Լրատուութեան գործընկեր